ءسىم باسشىلارى ءسامميتتىڭ كۇن ءتارتىبى مەن قورىتىندى قۇجاتتارىنىڭ جوبالارىن جان-جاقتى قاراستىردى.
شولپان-اتا، 2022 جىلعى 20 شىلدەدە قازاقستان رەسپۋبليكاسى پرەمەر-مينيسترىنىڭ ورىنباسارى – سىرتقى ىستەر ءمينيسترى مۇحتار تىلەۋبەردى ورتالىق ازيا مەملەكەتتەرى سىرتقى ىستەر مينيسترلەرىنىڭ كەڭەسىنە قاتىستى. ءىس-شاراعا قىرعىزستان، تاجىكستان، وزبەكستان ءسىم باسشىلارى مەن تۇرىكمەنستاننىڭ قىرعىزستانداعى ەلشىسى قاتىستى، دەپ حابارلايدى Almaty-akshamy.kz ءسىم باسپا ءسوز قىزمەتىنە سىلتەمە جاساپ.
قاتىسۋشىلار اعىمداعى جىلعى 21 شىلدەدە شولپان-اتا قالاسىندا وتەتىن ورتالىق ازيا مەملەكەتتەرى باسشىلارىنىڭ الداعى ءتورتىنشى كونسۋلتاتيۆتىك كەزدەسۋىنە دايىندىق بارىسىن تالقىلادى. ءسىم باسشىلارى ءسامميتتىڭ كۇن ءتارتىبى مەن قورىتىندى قۇجاتتارىنىڭ جوبالارىن جان-جاقتى قاراستىردى. سونداي-اق، ساۋدا-ەكونوميكالىق، كولىك، گۋمانيتارلىق سالالارداعى وڭىرلىك ءوزارا ءىس-قيمىلدى ودان ءارى نىعايتۋدىڭ جاي-كۇيى مەن پەرسپەكتيۆالارى جانە وڭىرلىك قاۋىپسىزدىك ماسەلەلەرى تالقىلاندى.
ق ر سىرتقى ىستەر ءمينيسترى مۇحتار تىلەۋبەردى ءوز سوزىندە ورتالىق ازيا ەلدەرىنىڭ مەملەكەتارالىق ءوزارا ءىس-قيمىلى سوڭعى جىلدارى ساپالى جاڭا دەڭگەيگە كوتەرىلگەنىن جانە بەسجاقتى قاتىناستاردا سەرپىلىس جاسالعانىن اتاپ ءوتتى.
"قازاقستان ورتالىق ازيانىڭ تۇراقتى دامۋىنا، وڭىردەگى تۇراقتىلىق پەن قاۋىپسىزدىكتى نىعايتۋعا ودان ءارى ۇلەس قوسۋعا نيەتتى"، - دەدى ق ر ءسىم باسشىسى.
كەزدەسۋگە قاتىسۋشىلار قىرعىز تاراپىنا ءىس-شارانى ساپالى ۇيىمداستىرعانى جانە قىرعىزستاننىڭ وڭىرلىك ينتەگراسيانى ودان ءارى دامىتۋعا باعىتتالعان كۇش-جىگەرى ءۇشىن العىس ءبىلدىردى.