Jana Business باعدارلاماسى
الماتى قالاسى اكىمدىگى مەن «دامۋ» كاسىپكەرلىكتى دامىتۋ قورى بىرلەسىپ، Almaty Business وڭىرلىك باعدارلاماسىنا ءبىرقاتار وزگەرىستەر ەنگىزىپ، شاعىن جانە ورتا بيزنەس (شوب) سۋبەكتىلەرىنە جەڭىلدىكپەن نەسيە بەرۋ شارتتارىن جەتىلدىردى، دەپ حابارلايدى Almaty-akshamy.kz.
اتاۋى Jana Business دەپ وزگەرتىلگەن باعدارلامانىڭ قاتىسۋشىلارى الماتى قالاسىندا تىركەلگەن جانە ەڭبەك ەتەتىن شاعىن جانە ورتا كاسىپكەرلىك سۋبەكتىلەرى بولا الادى.
جاڭارتىلعان باعدارلامانىڭ شارتتارىنا سايكەس جەڭىلدەتىلگەن نەسيەلەر بويىنشا ەڭ جوعارى مولشەرلەمە 7% - دان 6% - عا دەيىن تومەندەتىلدى. نەسيەنىڭ ماكسيمالدى سوماسى 100 ملن تەڭگەنى قۇرايدى، نەسيەلەۋ مەرزىمى - 7 جىلعا دەيىن.
Jana Business باعدارلاماسىنىڭ تاعى ءبىر جاڭالىعى – ونەركاسىپتىك پاركتەر سۋبەكتىلەرىنە جىلدىق مولشەرلەمەسى 6%-بەن 500 ملن تەڭگەگە دەيىنگى سومادا 7 جىلعا دەيىنگى مەرزىمگە نەسيە الۋ مۇمكىندىگى قاراستىرىلدى.
ساۋدا وپەراسيالارىنىڭ تيىمدىلىگىن ارتتىرۋ ماقساتىندا Jana Business باعدارلاماسىندا فاكتورينگتىك مامىلەلەردى جىلدىق 8،5% مولشەرلەمە بويىنشا قارجىلاندىرۋ مۇمكىندىگى كوزدەلەدى.
فاكتورينگ مەحانيزمى ساتىپ الۋشىعا تولەمدى كەيىنگە قالدىرا وتىرىپ، تاۋاردى نەمەسە قىزمەتتى ساتىپ الۋعا مۇمكىندىك بەرەدى. وسىنداي مامىلە شەڭبەرىندە فاكتورينگكە مامانداندىرىلعان قارجى ينستيتۋتى (فاكتور) بەلگىلى ءبىر كوميسسيا ءۇشىن ءونىم بەرۋشىگە تاۋاردىڭ نەمەسە قىزمەتتىڭ قۇنىن تولەيدى جانە ونىڭ ورنىنا ساتىپ الۋشىدان دەبيتورلىق بەرەشەكتى شارتتا كورسەتىلگەن ۋاقىت ارقىلى الۋ قۇقىعىنا يە بولادى. فاكتورينگ تەتىگىن پايدالانۋ كاسىپكەرلەرگە تاۋار اينالىمىنىڭ مەرزىمىن ارتتىرۋعا جانە كاسسالىق الشاقتىقتى بولدىرماۋعا مۇمكىندىك بەرەدى.
شوب سۋبەكتىلەرىنە جەڭىلدىكپەن نەسيە بەرۋ ەكىنشى دەڭگەيدەگى بانكتەر، ميكروقارجى ۇيىمدارى جانە ليزينگتىك كومپانيالار ارقىلى جۇزەگە اسىرىلادى. كەپىلدىكتى قامتاماسىز ەتۋ جەتكىلىكسىز بولعان جاعدايدا كاسىپكەرلەر «دامۋ» قورىنىڭ كەپىلدىكتەرىن پايدالانا الادى.
ALMATY Business وڭىرلىك باعدارلاماسى 2019 جىلدان باستاپ جۇزەگە اسىرىلىپ كەلەدى. ونى جۇزەگە اسىرۋ بارىسىندا الماتى قالاسى بويىنشا 27،3 ملرد. تەڭگەگە 211 جوبا قارجىلاندىرىلدى، 1 340 جۇمىس ورنى قۇرىلدى، 26،6 ملرد. تەڭگە سالىق تۇسىمدەرى قامتاماسىز ەتىلدى. تالداۋ ناتيجەسى كورسەتكەندەي، جوبالاردىڭ 53% - دان استامى نەگىزگى قۇرالداردى، جابدىقتاردى، شيكىزات پەن ماتەريالداردى ساتىپ الۋ ماقساتىندا قارجىلاندىرىلادى.