اپتاپ ىستىق بولادى.
قازگيدرومەتتىڭ مالىمەتىنشە، شىلدەنىڭ العاشقى ون كۇنىندە ەلىمىزدىڭ باسىم بولىگىندە اۋا رايى تۇراقسىز بولادى، دەپ حابارلايدى اlmaty-akshamy.kz
جاڭبىر جاۋىپ، سولتۇستىك-باتىستا، سولتۇستىكتە جانە ەلدىڭ وڭتۇستىك-شىعىسىنداعى تاۋلى اۋداندارىندا قاتتى جاڭبىر مەن بۇرشاق جاۋادى، نايزاعاي وينايدى جانە قاتتى جەل سوعادى.
قازاقستاننىڭ وڭتۇستىگىندە شاڭدى داۋىل بولادى.
ەلىمىزدىڭ سولتۇستىگىندە، شىعىسىندا تۇندە + 10+15°س دەيىن، كۇندىز +18+28°س دەيىن؛
رەسپۋبليكانىڭ ورتالىعىندا تۇندە +10+18°س دەيىن، كۇندىز +22+28°س دەيىن؛
وڭتۇستىك-شىعىستا تۇندە +15+20°س دەيىن، كۇندىز +22+30°س دەيىن؛
ەلىمىزدىڭ باتىسى مەن وڭتۇستىگىندە تەمپەراتۋرا تۇندە +12+17°س-تان +20+28°س-قا دەيىن، كۇندىز +27+32°س-تان +35+43°س-قا جوعارىلايدى.
«العاشقى ون كۇننىڭ سوڭىندا جانە ەكىنشى ونكۇندىكتىڭ باسىندا رەسپۋبليكانىڭ باسىم بولىگىنە كۇن ىستىق بولادى. ايدىڭ ەكىنشى جانە ءۇشىنشى ونكۇندىگىندە شىلدەنىڭ ىستىعى ءسال باسىلىپ، سالقىن بولادى، نايزاعاي ويناپ، جاڭبىر مەن بۇرشاق جاۋادى ءارى قاتتى جەل جانە شاڭدى داۋىل سوعادى»، - دەپ جازىلعان حابارلامادا.
اۋا تەمپەراتۋراسىنىڭ اۋىتقۋى بولجانادى:
ەلىمىزدىڭ باتىسىندا تۇندە +15+22°س-تان +19+25°س-قا دەيىن، كۇندىز +28+33°س-تان +33+38°س-قا دەيىن؛
سولتۇستىكتە، ورتالىقتا جانە شىعىستا تۇندە +7+17°س-تان +15+23°س-قا دەيىن، كۇندىز +17+27°س-تان +30+37°س-قا دەيىن؛
وڭتۇستىكتە جانە وڭتۇستىك-باتىستا تۇندە +14+23°س-تان +20+28°س-قا دەيىن، كۇندىز +30+36°س-تان +35+43°س-قا دەيىن؛
وڭتۇستىك-شىعىستا تۇندە +10+18°س-تان +17+25°س-قا دەيىن، كۇندىز +25+36°س-تان +33+40°س-قا دەيىن.