ەلىمىزدە زاڭسىز شىعارىلعان اكتيۆتەردى مەملەكەتكە قايتارۋ جوباسى جالعاسۋدا
شەتەلدەن قازاقستانعا 670 ملرد تەڭگە قايتارىلعان. بۇل تۋرالى ق ر قارجى ءمينيسترى ەرۇلان جاماۋبايەۆ ءمالىم ەتتى، دەپ حابارلايدى Almaty-akshamy.kz.
دەپۋتاتتار بۇعان دەيىن ەلدەن زاڭسىز شىعارىلعان قاراجاتتى قايتارۋعا قاتىستى بەرىلگەن تاپسىرمالار ورىندالماي جاتقانىن ايتىپ، قۇزىرلى ورگانداردان اقپارات جاريالاۋدى تالاپ ەتكەن بولاتىن.
باستاماعا قاتىستى بۇگىن ءماجىلىس قابىرعاسىندا قارجى ءمينيسترى پىكىر ءبىلدىردى. ەرۇلان جاماۋبايەۆتىڭ ايتۋىنشا، زاڭسىز شىعارىلعان اكتيۆتەردى مەملەكەتكە قايتارۋ جوباسى بويىنشا ءقازىر باس پروكۋراتۋرا دەرەكتەردى جاريالاۋدى قولعا العان. قۇزىرلى ورگان مالىمەتىنشە، وتكەن كۇزدە سىبايلاس جەمقورلىقتان تاركىلەنگەن 100 ملرد تەڭگە قاراشا ايىندا مەكتەپ سالۋعا جۇمسالاتىن بولادى.
«بىرىنشىدەن، بۇل اقپاراتتى باس پروكۋراتۋرا بەرىپ وتىرادى. اقپاراتتى رەسمي حابارلاپ وتىراتىن ءبىر ورگان بولۋى كەرەك قوي. باس پروكۋراتۋرا دەرەگى بويىنشا، قازىرگى كۇنى 670 ملرد تەڭگە ەلگە قايتارىلعان»، – دەدى ق ر قارجى ءمينيسترى ەرۇلان جاماۋبايەۆ.
ايتا كەتەيىك، بىلتىر قاراشا ايىندا مەملەكەت باسشىسى قاسىم-جومارت توقايەۆ زاڭسىز شىعارىلعان اكتيۆتەردى مەملەكەتكە قايتارۋ جونىندەگى شارالار تۋرالى جارلىققا قول قويدى.