شەتەلدە قۇجاتتاردى پايدالانۋ ءۇشىن ولاردىڭ ءتۇپنۇسقالىعىن ۋاكىلەتتى ورگاندا زاڭدى تۇردە راستاۋ قاجەت. الماتى قالاسى وڭىرلىك كوممۋنيكاسيالار قىزمەتىندە وتكەن بريفينگتە قالالىق ادىلەت دەپارتامەنتىنىڭ وكىلدەرى اپوستيل قويۋ تارتىبىنە كەڭىنەن توقتالدى، - دەپ حابارلايدى almaty-akshamy.kz
اپوستيل - قۇجاتقا قول قويعان ادامنىڭ قولتاڭبالارىنىڭ ءتۇپنۇسقالىعىن جانە ونىڭ تولىقتىعىن راستايتىن ارنايى ءمورتابان، سونداي-اق وسى قۇجاتتى قاعاز تۇرىندە نەمەسە ەلەكتروندى تۇردە بەكىتەتىن ءموردىڭ نەمەسە ءمورتاباننىڭ ءتۇپنۇسقالىعىن راستايدى.
«قۇجاتتاردىڭ شەتەلدە زاڭدى كۇشى بولۋى ءۇشىن ولاردى اپوستيلمەن بەكىتۋ قاجەت. ءبىر ەل بەرگەن رەسمي قۇجاتتىڭ قولجەتىمدىلىگىن قامتاماسىز ەتۋ جانە ونى باسقا ەلدىڭ اۋماعىندا قابىلداۋ ءۇشىن ىسكەرلىك قۇجاتتامانى، ازاماتتاردىڭ جەكە قۇجاتتارىن، نوتاريۋستار كۋالاندىرعان كوشىرمەلەر مەن اۋدارمالاردى رەسىمدەۋ ءۇشىن اپوستيل شتامپى كەرەك»، - دەدى الماتى قالاسى ادىلەت دەپارتامەنتى تىركەۋ قىزمەتى سالاسىنداعى ادىستەمەلىك قامتاماسىز ەتۋ جانە باقىلاۋ ءبولىمىنىڭ جەتەكشى مامانى بوتاگوز قارابەكوۆا.
اپوستيل قۇجاتتاردى زاڭداستىرۋ پروسەسىن جەڭىلدەتەدى جانە گااگا كونۆەنسياسىنا قاتىسۋشى ەلدەردىڭ اۋماعىندا ارەكەت ەتەدى. وسى كونۆەنسيا قولدانىسقا ەنگىزىلگەنگە دەيىن جۇرگىزىلگەن رەسمي قۇجاتتاردى زاڭداستىرۋدى جويادى جانە ونى اپوستيل قويۋدىڭ رەسمي راسىمىمەن اۋىستىرادى.
اپوستيل كەم دەگەندە 9 سم بولاتىن شارشى ءپىشىندى بولادى جانە ول ۇلگىگە سايكەس كەلۋى كەرەك. كونۆەنسياعا سايكەس، اپوستيل قۇجاتتىڭ وزىنە نەمەسە قۇجاتقا بەكىتىلگەن جەكە پاراققا قويىلادى.
«ادىلەت مينيسترلىگى مەن ونىڭ اۋماقتىق ورگاندارىنا قازاقستان رەسپۋبليكاسىنىڭ ادىلەت ورگاندارى مەن وزگە دە مەملەكەتتىك ورگانداردان، سونداي-اق نوتاريۋستاردان كەلەتىن رەسمي قۇجاتتارعا اپوستيل قويۋ قۇقىعى بەرىلگەن. سونىمەن بىرگە 1961 جىلعى 05 قازانداعى «شەتەلدىك مەملەكەتتىك قۇجاتتاردى زاڭداستىرۋعا قويىلاتىن تالاپتاردى جويۋ تۋرالى» كونۆەنسياعا سايكەس كوممەرسيالىق نەمەسە كەدەندىك وپەراسيالارعا تىكەلەي قاتىستى قۇجاتتارعا اپوستيل قويىلمايدى»، - دەپ ءتۇسىندىردى الماتى قالاسى ادىلەت دەپارتامەنتىنىڭ تىركەۋ قىزمەتى سالاسى ادىستەمەلىك قامتاماسىز ەتۋ جانە باقىلاۋ ءبولىمىنىڭ باسشىسى مۇقاجان مۇحامەد.
اپوستيل جاساعانى ءۇشىن 0،5 اي مولشەرىندە مەملەكەتتىك اەك سالىعى الىنادى. قازىرگى ۋاقىتتا بۇل سوما 1725 تەڭگەنى قۇرايدى.
سونداي-اق، 2021 جىلى وسى مەملەكەتتىك قىزمەتتى ەلەكتروندىق فورماتتا الۋ ءۇشىن ە-اپوستيل پيلوتتىق جوباسى ەنگىزىلدى. قازىرگى ۋاقىتتا E-APP اقش، گونكونگ جانە قازاقستاندى قوسا العاندا، اپوستيل تۋرالى گااگا كونۆەنسياسىنىڭ 50 ەلدەن كوپ ەل پايدالانىلادى.
بۇل قىزمەت رەسمي قۇجاتتارعا اپوستيل ءمورىن بەرۋ ۇدەرىسىن ايتارلىقتاي جىلدامداتادى جانە الەمنىڭ كەز كەلگەن نۇكتەسىنەن ەلەكتروندى اپوستيل قويىلعان قۇجاتتاردى ونلاين رەجيمىندە الۋعا مۇمكىندىك بەرەدى.
«ە-اپوستيل» قىزمەتى كەلەسى مىندەتتەردى شەشۋگە مۇمكىندىك بەرەدى:
- ۇيدەن شىقپاي جانە قاعاز قۇجاتتاردى ۇسىنباي اپوستيل قويۋ قىزمەتىن الۋ.
- مەملەكەتتىك قىزمەت كورسەتۋ مەرزىمدەرىن وڭتايلاندىرۋ.
- ەلەكتروندىق ءتىزىلىمدى رەسىمدەۋ ءراسىمىن جۇرگىزۋ.
بۇل رەتتە ۋاكىلەتتى ورگاندار مىناداي فاكتورلار انىقتالعان جاعدايدا مەملەكەتتىك قىزمەت كورسەتۋدەن باس تارتا الادى:
- تىركەلگەن قۇجاتتاردىڭ تولىق ەمەس فاكستىگىن انىقتاۋ؛
- اپوستيل قويۋعا جاتاتىن قۇجاتتاردىڭ بولماۋى نەمەسە قۇجاتتاردىڭ ۇسىنىلماۋى؛
- مەملەكەتتىك قىزمەت كورسەتۋ ءۇشىن قاجەتتى ءوتىنىش پەن بەكىتىلگەن، ۇسىنىلعان قۇجاتتاردىڭ كوۆەنسيا تالاپتارىنا سايكەس كەلمەۋى؛
- قولتاڭبا ۇلگىلەرى مەن ءمور بەدەرىنىڭ قۇجاتپەن سايكەس كەلمەۋى.
اپوستيل قىزمەتىن كەلەسى مەملەكەتتىك ورگاندار كورسەتەدى:
- ق ر ادىلەت مينيسترلىگى
- ق ر ءبىلىم جانە عىلىم مينيسترلىگى
- ق ر ىشكى ىستەر مينيسترلىگى
- ق ر مادەنيەت جانە اقپارات مينيسترلىگىنىڭ اقپارات جانە مۇراعاتتار كوميتەتى
- ق ر جوعارعى سۋدياسى جانىنداعى سوت اكىمشىلىگى كوميتەتى
- ق ر قارجى مينيسترلىگى
- ق ر باس پروكۋراتۋراسى
- ق ر قورعانىس مينيسترلىگى
- ق ر ۇقك