شەتەلدە عىلىمي تاعىلىمدامادان (500 عالىم) ءوتۋ ءۇشىن كونكۋرستىق ىرىكتەۋگە قاتىسۋعا ءوتىنىم قابىلداۋ 2023 جىلعى 13 قازانعا دەيىن جالعاسادى
«حالىقارالىق باعدارلامالار ورتالىعى» اق مالىمەتىنشە، رەسپۋبليكالىق كوميسسيا گرانت تاعايىنداۋدى جەلتوقسان ايلارىندا جۇزەگە اسىرادى، دەپ حابارلايدى Almaty-akshamy.kz Egemen.kz-كە سىلتەمە جاساپ.
كونكۋرسقا قاتىسۋ ءۇشىن قۇجاتتاردى «حالىقارالىق باعدارلامالار ورتالىعى» اق-دا مىنا مەكەنجايدا: استانا قالاسى، سىعاناق ك-سى، 70ء-ۇي «سىعاناق» بيزنەس ورتالىعى، 5-قابات، 508-كابينەتتە قولما قول (قاعاز جۇزىندە، سونداي-اق ەلەكتروندى تاسىمالداعىشتاعى سكانەرلەنگەن نۇسقاسى) قابىلدانادى.
«قۇجاتتى ءۇشىنشى تۇلعا كەلىپ تاپسىرعان جاعدايدا – كونكۋرستىق ىرىكتەۋگە قاتىسۋعا قۇجات تاپسىرۋ ءۇشىن وكىلدىڭ اتىنا بەرىلگەن ۇمىتكەردەن نوتاريالدى كۋالاندىرىلعان سەنىمحاتتىڭ ءتۇپنۇسقاسى بولۋى قاجەت»، - دەپ ەسكەرتتى ۆەدومستۆو.