بۇل تۋرالى ANI analytics تەلەگرام-ارناسى حابارلادى.
قازاقستان شەتەلدە وقيتىن ستۋدەنتتەر سانى بويىنشا الەمدە ەكىنشى ورىندا – 91،2 مىڭ ستۋدەنت ەلدەن تىس وقۋ ورىندارىندا ءبىلىم الىپ جاتىر، دەپ حابارلايدى Almaty-akshamy.kz
يۋنەسكو-نىڭ ستاتيستيكا ينستيتۋتىنىڭ جاڭارتىلعان مالىمەتتەرىنە سايكەس، شەتەلدە وقيتىن ستۋدەنتتەردىڭ ەڭ كوپ سانى جۇڭگو مەن ءۇندىستاندا تىركەلگەن.
"شەتەلدە 1،021 ميلليون جۇڭگو ستۋدەنتى وقيدى، ال ءۇندىستاندىق ستۋدەنتتەردىڭ سانى وسى كورسەتكىشتىڭ شامامەن جارتىسى، ياعني 508،2 مىڭ. ودان كەيىن ۆەتنام (137 مىڭ)، گەرمانيا (126،4 مىڭ) جانە وزبەكستان (109،9 مىڭ) تۇر"، - دەپ جازىلعان حابارلامادا.
الايدا، ەگەر ءتيىستى كەزەڭدەگى شەتەلدە وقيتىن ستۋدەنتتەردىڭ حالىق سانىنا قاتىناسىن ەسەپتەيتىن بولساق، وندا قازاقستان 0،48% ۇلەسپەن قاراستىرىلىپ جاتقان ەلدەر اراسىندا ءبىرىنشى ورىندا تۇر. ودان كەيىن سيريا (0،46%) مەن وزبەكستان (0،31%) تۇر.
ستۋدەنتتەر وقۋدى قالايتىن ەلدەردىڭ رەيتينگى مىنانداي:
اقش (833 مىڭ)؛
ۇلىبريتانيا (601 مىڭعا جۋىق)؛
اۆستراليا (378 مىڭعا جۋىق)؛
گەرمانيا (376 مىڭنان استام)؛
كانادا (318 مىڭعا جۋىق).
بيىل قازاقستاندا 186 مىڭ بالا 11-سىنىپتى بىتىرگەن. ونىڭ ىشىندە 7 420 تۇلەك "التىن بەلگى" بەلگىسىمەن ماراپاتتالسا، 13 727 تۇلەك جالپى ورتا ءبىلىم تۋرالى ۇزدىك اتتەستاتقا يە بولدى.