«تاراز» فۋتبول كلۋبى U-19 جاسقا دەيىنگى قازاقستان جاسوسپىرىمدەر قۇراماسىنىڭ قاقپاشىسى شەرحان قالمىرزانى ءوز ساپىنا قوسۋدى جوسپارلاپ وتىر، دەپ حابارلايدى Aqshamnews.kz ءتىلشىسى.
كلۋب ديرەكتورى ديدار سىدىقبەكتىڭ ايتۋىنشا، الداعى كۇندەرى الماتىلىق «قايرات» كلۋبىنا رەسمي ۇسىنىس جولدانىپ، كەلىسسوزدەر باستالماق.
"ءبىز شەرحان قالمىرزاعا قىزىعۋشىلىق تانىتىپ وتىرمىز. ەرتەڭ رەسمي ۇسىنىس جاساپ، كەلىسسوزدەردى باستايمىز. ول – جامبىل وبلىسىنىڭ تۋماسى"، – دەدى كلۋب باسشىسى.
18 جاستاعى شەرحان قالمىرزا بيىل قازاقستان فۋتبولىنداعى ەڭ تانىمال جاس ويىنشىلاردىڭ بىرىنە اينالدى. ول چەمپيوندار ليگاسىنىڭ توپتىق كەزەڭىندە «قايرات» ساپىندا نەگىزگى قاقپاشىلار جاراقات العان ساتتە «سپورتينگكە» (1:4) جانە «رەال مادريدكە» (0:5) قارسى ماچتاردا الاڭعا شىعىپ، قاقپانى قورعادى.
سونىمەن قاتار، 2025 جىلى قالمىرزا قازاقستاننىڭ جاستار قۇراماسى (U-19) ساپىندا ەۋروپا چەمپيوناتىنا ىرىكتەۋ كەزەڭىندە ءۇش ماچ وتكىزگەن.
ايتا كەتەيىك، وتكەن ماۋسىمدا ءبىرىنشى ليگادا ونەر كورسەتكەن «تاراز» فۋتبول كلۋبى چەمپيوناتتى تۋرنير كەستەسىنىڭ 8-ورنىندا اياقتاعان.