سوتتالۋشىلارعا ەكى ەپيزود بويىنشا ايىپ تاعىلدى.
ەكولوگيا مينيسترلىگىنىڭ جوعارى لاۋازىمدى قىزمەتكەرى جەمقورلىق ارەكەتتەرى ءۇشىن سوتتالدى، دەپ حابارلايدى Almaty-akshamy.kz
استانا قالاسىنىڭ قىلمىستىق ىستەر جونىندەگى اۋدانارالىق سوتى ەكولوگيا، گەولوگيا جانە تابيعي رەسۋرستار مينيسترلىگىنىڭ باسشى قىزمەتكەرلەرىنىڭ ءبىرى مەن ونىڭ قاراماعىنداعىلاردى پارا العانى ءۇشىن ايىپتادى.
استانا سوتىنىڭ مالىمەتىنشە، بالىق شارۋاشىلىعى كوميتەتىنىڭ ءتوراعاسى مەن بالىق رەسۋرستارى جانە بالىق شارۋاشىلىعىن رەتتەۋ باسقارماسىنىڭ باسشىسى پارا الدى دەپ ايىپتالدى.
سوتتالۋشىلارعا ەكى ەپيزود بويىنشا ايىپ تاعىلدى.
ءبىرىنشى ەپيزود بويىنشا – 2021-2024ج. ارالىعىندا كوميتەت ءتوراعاسى ءوز قاراماعىنداعى باسقارما باسشىسىمەن الدىن الا ءسوز بايلاسۋ ارقىلى كوميتەتكە باعىنىستى ۇيىمنىڭ باس ديرەكتورىنان جالپى قامقورلىعى ءۇشىن بانكتىك اۋدارىمدار ارقىلى 1،5 ملن. تەڭگە سوماسىندا اقشا تۇرىندە پارا العان.
ەكىنشى ەپيزود بويىنشا – "ن" ج ش س ديرەكتورىنان بانكتىك اۋدارىم ارقىلى ۇيىم قىزمەتىنىڭ قامقورلىعى ءۇشىن 2 ملن.تەڭگە مولشەرىندە پارا العان.
سوت وتىرىسى بارىسىندا سوتتالۋشىلار كىناسىن مويىنداپ، جاساعان ىستەرىنە وكىنىش ءبىلدىردى.
اتالعان باپتىڭ سانكسياسى مۇلكى تاركىلەنىپ، بەلگىلى ءبىر لاۋازىمداردى اتقارۋ نەمەسە بەلگىلى ءبىر قىزمەتپەن اينالىسۋ قۇقىعىنان ءومىر بويىنا ايىرا وتىرىپ، پارانىڭ 60 ەسەلەنگەننەن 70 ەسەلەنگەنگە دەيىنگى سوماسى مولشەرىندە ايىپپۇل سالۋ نە 7 جىلدان 12 جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازانى كوزدەيدى.
شىن جۇرەكتەن وكىنۋ، قۇقىق بۇزۋشىلىقتى اشۋعا جاردەمدەسۋىن جانە جاس بالالارىنىڭ بولۋى سياقتى قىلمىستىق جاۋاپكەرشىلىك پەن جازانى جەڭىلدەتەتىن ءمان-جايلاردىڭ بولۋىنا قاراماستان، كوميتەت ءتوراعاسى مەن باسقارما باسشىسى مەملەكەتتىك قىزمەت پەن كۆازيمەملەكەتتىك سەكتوردا لاۋازىمداردى اتقارۋ قۇقىعىنان ءومىر بويىنا ايىرىلا وتىرىپ، 6 جىلعا سوتتالدى.
سونداي-اق، ق ر پرەزيدەنتىنە كوميتەت ءتوراعاسىن مەملەكەتتىك ناگرادادان ايىرۋ تۋرالى ۇسىنىس ەنگىزىلدى.
ۇكىم زاڭدى كۇشىنە ەنگەن جوق.