قازاقستاندىق شەنەۋنىكتەر قارجىسىن كوبىنە سينگاپۋردە ساقتايدى.
ال جىلجىمايتىن مۇلىكتى رەسەيدە ساتىپ العاندى ءجون كورەدى، دەپ حابارلايدى Almaty-akshamy.kz.
24.kz سايتىنىڭ حابارلاۋىنشا، بيىل كىرىس جانە مۇلىك دەكلاراسياسىن 465 مىڭ جەكە تۇلعا تاپسىرعان. ولاردىڭ اراسىندا مەملەكەتتىك قىزمەتشىلەر، سوعان تەڭەستىرىلگەن ازاماتتار جانە ولاردىڭ جۇبايلارى بار.
مەملەكەتتىك كىرىستەر كوميتەتىنىڭ مالىمەتىنشە، تابىسىن جاريا ەتكەن 465 مىڭ تۇلعانىڭ 117ء-سى شەتەلدە شوت اشقان. باسىم بولىگى سينگاپۋردە. قارجىسىن ليحتەنشتەين كنيازدىگى مەن رەسەيدە ساقتايتىندار دا از ەمەس.
سونداي-اق سىرت مەملەكەتتەردە قازاقستاندىق شەنەۋنىكتەردىڭ اتىنا 221 جىلجىمايتىن مۇلىك تىركەلگەن. ونىڭ 90%-كە جۋىعى رەسەيدە ورنالاسقان. ءبىر قىزىعى، مەملەكەتتىك قىزمەتشىلەردىڭ ءوز ەلىمىزدە قانداي مۇلكى بارى بەلگىسىز.
«ونى جاريالاۋ تۋرالى دەكلاراسيادا تالاپ جوق»، - دەيدى كوميتەت وكىلدەرى