2022 جىلعى 24-31 قاڭتار ارالىعىندا شەكارا قىزمەتىنىڭ اۋماقتىق بولىمشەلەرى شەتەلگە قاراجاتتى زاڭسىز شىعارۋ ارەكەتتەرىنىڭ الدىن الدى، دەپ حابارلايدى Almaty-akshamy.kz ۆەدومستۆونىڭ باسپا ءسوز قىزمەتىنە سىلتەمە جاساپ.
ۇقك مالىمەتىنشە، شەكاراشىلار جالپى سوماسى 311 526 967 تەڭگە بولاتىن دەكلاراسيالانباعان شەتەل ۆاليۋتاسىن الىپ شىعۋدىڭ 24 دەرەگىن (نۇر-سۇلتان، الماتى، تۇركىستان، اقتاۋ، وسكەمەن قالالارىندا) انىقتاعان.
ماتەريالدار قۇزىرەتتەرى بويىنشا مەملەكەتتىك كىرىستەر جانە ەكونوميكالىق قىلمىستاردى تەرگەۋ ورگاندارىنا بەرىلگەن.
"ۇقك شەكارا قىزمەتى قازاقستاننان تىس جەرلەرگە شىعاتىن ازاماتتارعا ءىرى كولەمدە اقشا (ون مىڭ اقش دوللارىنان استام) الىپ شىعۋداعى زاڭ تالاپتارىن ساقتاۋدى جانە دەكلاراسيالاۋ قاجەت ەكەنىن ەسكە سالادى"، - دەلىنگەن حابارلامادا.
بۇعان دەيىن قازاقستاندا ەلدەن زاڭسىز اقشا شىعارۋعا باقىلاۋ كۇشەيتىلگەنى حابارلانعان بولاتىن. بۇيرىقتى ۇلتتىق بانك قارجى مونيتورينگى اگەنتتىگى جانە قارجى نارىعىن رەتتەۋ جانە دامىتۋ اگەنتتىگىمەن بىرلەسىپ قابىلداعان.