قازاق-قىرعىز شەكاراسىنان 1 توننا ءسۇت ءونىمىن زاڭسىز وتكىزبەك بولعاندار ۇستالدى.
جۇرگىزۋشىلەرگە ايىپپۇل سالىنىپ، جۇكتەر جونەلتۋ پۋنكتىنە قايتارىلدى، دەپ حابارلايدى aqshamnews.kz
جامبىل وبلىسىنداعى «قورداي» ۆەتەرينارلىق باقىلاۋ بەكەتىندە ءتيىستى ىلەسپە قۇجاتسىز قىرعىز رەسپۋبليكاسىنىڭ اۋماعىنان ەلىمىزگە 1 توننا ءسۇت ءونىمىن اكەلۋگە تىرىسقان اۆتوكولىك ۇستالدى. بۇل زاڭبۇزۋشىلىقتى مەملەكەتتىك ۆەتەرينارلىق-سانيتارلىق ينسپەكتور قۇجاتتامالىق باقىلاۋ پروسەسىندە انىقتادى.
جۇرگىزۋشىلەرگە ايىپپۇل سالىنىپ، جۇكتەر جونەلتۋ پۋنكتىنە قايتارىلدى.
«جىل باسىنان بەرى شەكارانىڭ قازاقستان-قىرعىز ۋچاسكەسىندە ورنالاسقان ۆەتەريناريالىق باقىلاۋ بەكەتتەرىندە ۆەتەريناريالىق ىلەسپە قۇجاتتاردىڭ بولماۋىنا بايلانىستى انىقتالعان قۇقىقبۇزۋشىلىقتار جونىندە 77 اكت جاسالدى. اكىمشىلىك ايىپپۇلدار 3،2 ملن تەڭگەدەن استى»،-دەلىنگەن اشم حابارلاماسىندا.
«قورداي» بكپ-دا 50 اكىمشىلىك ماتەريال راسىمدەلىپ، 2،2 ملن تەڭگە ايىپپۇل ءوندىرىلدى.