ەگىستىك القاپتارىندا شەگىرتكە قاپتاپ، شارۋالاردى شاش ەتەكتەن شىعىنعا باتىرۋى مۇمكىن. سەبەبى، بيىل زيانكەستەر ەڭ كوپ تارالادى دەگەن ءقاۋىپ بار.
بۇل تۋرالى ۇكىمەت وتىرىسىندا ايتىلىپ، ماسەلەنىڭ الدىن الۋ تەتىكتەرى قارالدى، دەپ حابارلايدى Almaty-akshamy.kz.
پرەمەر-مينيستر بۇل ماسەلەگە قاتاڭ جاۋاپكەرشىلىكپەن قاراۋ قاجەت دەدى. سوندىقتان اۋىل شارۋاشىلىعى مينيسترلىگىنە وبلىس اكىمدىكتەرىمەن بىرلەسىپ، زيانكەستەردىڭ تارالۋ ورىندارىن انىقتاۋعا قوسىمشا رەسۋرستاردى جۇمىلدىرۋدى جانە وڭدەۋ جۇمىستارىن باقىلاۋعا الۋدى تاپسىردى. ول ءۇشىن بيۋدجەتتەن 8 ملرد تەڭگە ءبولىندى. سونداي-اق، جيىندا كوكتەمگى ەگىس جۇمىستارىنىڭ جايى دا پىسىقتالدى. بيىل 23 ملن گەكتار اۋماققا ەگىن ەگىلمەك. اۋىل شارۋاشىلىعى ءمينيسترىنىڭ ايتۋىنشا، شارۋالارعا ديزەل وتىنى جەتكىلىكتى. دالا جۇمىستارىنا 140 ميلليارد تەڭگە قاراستىرىلعان. ۇكىمەت باسشىسى بولىنگەن قارجى مەن سۋبسيديالاردىڭ ماقساتتى جۇمسالۋىن قاتاڭ باقىلاۋدى دا تىپسىردى.
سۋبسيديالاردى ءبولۋ بويىنشا بارلىق قۇقىقتار اكىمدىكتەرگە بەرىلگەندىكتەن، سىزگە، ايداربەك سەيپىل ۇلى، اكىمدەرمەن بىرلەسىپ، شارۋالارعا تيەسىلى سۋبسيديالاردى ادىلەتتى جانە ءتيىمدى ءبولۋ ماسەلەسىن قاتاڭ باقىلاۋعا الۋ قاجەت. قارجى وسى سالاداعى ءىرى ويىنشىلاردىڭ تابىس كوزىنە ەمەس، اۋىل تۇرعىندارىنىڭ مۇمكىندىكتەرىن كەڭەيتىپ، شىعارىلاتىن ءونىم كولەمىن ارتتىرۋعا ىقپال ەتۋى ءتيىس، - دەيدى ق ر پرەمەر ءمينيسترى ولجاس بەكتەنوۆ.