جەكپە-جەك ءبىرىنشى راۋندتا اياقتالدى
قازاقستاندىق سپورتشى شاۆقات راحمونوۆ (14-0) UFC-دەگى ءۇشىنشى جەكپە-جەگىن وتكىزدى، دەپ حابارلايدى Almaty-akshamy.kz.
ول لاس-ۆەگاستا (اقش، نيەۆادا شتاتى) UFC Fight Night 200 تۋرنيرىندە گايانالىق كارلستون حارريسپەن (17-4) جەكپە-جەككە شىقتى. جارتىلاي ورتا سالماقتا وتكەن بۇل كەزدەسۋ ءۇش راۋندقا جوسپارلانعان ەدى. الايدا جەرلەسىمىز ءبىرىنشى راۋندا-اق اينالىپ تەۋىپ، قارسىلاسىن سۇلاتىپ ءتۇسىردى.
وسىلايشا شاۆقات راحمونوۆ كاسىپقوي مانسابىندا 15ء-شى جەڭىسىنە قول جەتكىزدى. ال كارلسون بولسا، بەسىنشى رەت جەڭىلىس تاپتى.
ايتا كەتەيىك، راحمونوۆتىڭ بۇل UFC-دەگى ءۇشىنشى جەكپە-جەگى.
بۇعان دەيىن ول سابميشن ادىسىمەن برازيليالىق الەكس وليۆەيرۋدى (22-11-1-2) جانە ميشەل پرازەريستى (26-4) تىزە بۇكتىرگەن ەدى.