جەكپە-جەك بۇگىن تاڭەرتەڭ قازاقستان ۋاقىتىمەن ءوتتى.
قازاقستاندىق سپورتشى شاۆكات راحمونوۆ لاس-ۆەگاستاعى T-Mobile Arena-دا وتكەن UFC 310 ءتۋرنيرىنىڭ قوسالقى باستى جەكپە-جەگىندە يرلانديالىق يان ماچادو گەرريدى تورەشىلەردىڭ ءبىراۋىزدى شەشىمىمەن جەڭدى، دەپ حابارلايدى aqshamnews.kz
بۇل راحمونوۆتىڭ مما-دەگى 19-شى جەڭىسى جانە UFC-دەگى 7-0 رەكوردىن جالعاستىردى. ال گەرري ءۇشىن بۇل كاسىبي مانسابىنداعى العاشقى جەڭىلىس بولدى.
بۇعان دەيىن UFC پرەزيدەنتى دانا ۋايت راحمونوۆ پەن گەرري اراسىنداعى جەكپە-جەكتىڭ جەڭىمپازىنا جارتىلاي ورتا سالماقتاعى چەمپيون بەلال مۇحاممەدكە قارسى تيتۋلدىق كەزدەسۋ ۋادە ەتكەن بولاتىن. ايتا كەتەيىك، باستاپقىدا راحمونوۆ پەن مۇحاممەدتىڭ جەكپە-جەگى UFC 310 ءتۋرنيرىنىڭ باستى وقيعاسى رەتىندە جوسپارلانعان ەدى، ءبىراق چەمپيون سۇيەك ينفەكسياسى مەن وپەراسياعا بايلانىستى كەزدەسۋدەن باس تارتتى.