بۇلدىرشىندەردى وسىلاي الداعان بويجەتكەن قولعا ءتۇستى.
ول 3 كۇندە 300 مىڭ تەڭگەگە جۋىق شىعىن كەلتىرگەن، دەپ حابارلايدى aqshamnews.kz قالالىق پوليسيا دەپارتامەنتىنىڭ باسپا ءسوز قىزمەتىنە سىلتەمە جاساپ.
كوپپاتەرلى ۇيلەردىڭ اۋلاسىندا جۇرگەن قىز بالالاردى "شاشىڭدى ادەمى ەتىپ ءورىپ بەرەمىن" دەپ الداعان بويجەتكەن التىن سىرعالارىن شەشىپ الىپ كەتكەن.
"ءۇش كۇن ىشىندە ول قالانىڭ 4 كىشكەنتاي تۇرعىنىنان الاياقتىق جولمەن قىمبات زەرگەرلىك بۇيىمداردى الداپ الىپ، 300 مىڭ تەڭگەگە جۋىق شىعىن كەلتىرگەن"، - دەلىنگەن پوليسيانىڭ حابارلاماسىندا.
ءال-فارابي اپب-نىڭ جەدەل ۋاكىلدەرى دەرەۋ كۇدىكتىنى ىزدەۋگە كىرىستى.
پوليسەيلەر كۋاگەرلەردەن بولعان وقيعالار تۋرالى سۇراستىرىپ، قىلمىس ورنىنا جاقىن ورنالاسقان بەينەباقىلاۋ كامەرالارىنىڭ جازبالارىن تەكسەردى.
قابىلدانعان شارالاردىڭ ناتيجەسىندە 20 جاستاعى قىز قالا اۋماعىندا ۇستالدى. ول ۇرلاعان بۇيىمدارىن لومباردقا وتكىزگەنى انىقتالدى.