شارىن شاتقالىندا اداسىپ كەتكەن تۋريستەر تابىلدى.
جەتى ادامنان تۇراتىن توپ «قورعاندار قامالى» دەپ اتالاتىن شاتقال ماڭىندا باعىتىنان جاڭىلعان. ءسويتىپ، قايتار جولدى تاپپاي قالىپتى، دەپ حابارلايدى Almaty-akshamy.kz 24.kz-كە سىلتەمە جاساپ.
جوعالعانداردى ىزدەۋگە ءتارتىپ ساقشىلارى، جەرگىلىكتى اتقارۋشى ورگان وكىلدەرى، كاسىبي قۇتقارۋشىلاردى قوسقاندا جۇزدەن اسا ادام جۇمىلدىرىلدى. ارنايى تەحنيكامەن اۋماققا شولۋ جاسالدى. ءتۇنى بويى جۇرگىزىلگەن جۇمىس تاڭەرتەڭ ناتيجە بەردى. تۋريستەر امان-ەسەن تابىلىپ، ءقاۋىپسىز جەرگە شىعارىلدى. شارشاپ-شالدىققان ولار مەديسينالىق كومەككە جۇگىنۋدەن باس تارتقان.
«تۋريستىك باعىتتاردى جوسپارلاعان كەزدە، مىندەتتى تۇردە الماتى وبلىستىق تجد ىزدەستىرۋ-قۇتقارۋ بولىمىنە تىركەلىپ، بايلانىس تەلەفوندارى مەن مارشۋرۋت سىزباسىن كورسەتىڭىز. كەلۋ جانە كەتۋ كۇندەرىن جانە باسقا دا اقپاراتتى حابارلاڭىز»، - دەيدى الماتى وبلىستىق تجد باسپا ءسوز قىزمەتىنىڭ قىزمەتكەرى باقىت يمانقۇلوۆ.