الماتى وبلىسى شامالعان تەمىرجول بەكەتىندەگى اينالما جولدىڭ قۇرىلىسى بىتەر ەمەس
ءۇش جىل بۇرىن باستالعان جوبا بيىل اياقتالىپ، ەل يگىلىگىنە بەرىلۋى ءتيىس ەدى. ءبىراق ءىستىڭ مەجەسىنە جەتۋى ەكىتالاي، دەپ حابارلايدى اlmaty-akshamy.kz 24.kz-كە سىلتەمە جاساپ. وتكەلدە كۇن سايىن ۇزىن-سونار كولىك كەپتەلىسى قالىپتاسادى. جۇرگىزۋشىلەر تەمىرجولدان ءوتۋ ءۇشىن ساعاتتاپ توسۋعا ءماجبۇر. بەكەت تۇرعىندارى نە دەيدى؟ جول قۇرىلىسى قالاي ءجۇرىپ جاتىر؟
الماس سادۋاقاس، ءتىلشى:
- بۇل جىبەك جولى اۋىلىنداعى تەمىرجول مەن كۇرە جولدىڭ تۇيىسكەن تۇسى. وتكەلدەن كۇن سايىن مىڭداعان كولىك وتەدى. باتىس پەن شىعىسقا جولاۋشىلار مەن جۇك پوەزدارى جۇيىتكيدى. پوەزد جاقىنداعاندا وتكەل جابىلادى.
كولىك ءنوپىرىنىڭ كوپتىگىنەن بەكەتتىڭ ەكى جاعىندا دا كەپتەلىس قالىپتاسادى. اسىرەسە تۇسكى جانە كەشكى ۋاقىتتاردا ءتىپتى قيىن. ەسكە سالا كەتسەك، ءتورت جىل بۇرىن ءدال وسى جەردە پوەزد بەن جولاۋشى تاسىمالدايتىن اۆتوبۋس سوقتىعىسىپ، سالدارىنان 1 ادام قازا تاپتى. سول قايعىلى وقيعادان كەيىن ءبىر جىل وتكەسىن بەكەتتە اينالما جولدىڭ قۇرىلىلىسى باستالعان ەدى. سەبەبى جول سالمايىنشا شامالعانداعى كولىك كەپتەلىسى پروبلەماسىن شەشۋ مۇمكىن ەمەس. ءبىراق ءتۇرلى سەبەپتەرگە بايلانىستى جوبانى تاپسىرۋ مەرزىمى كەيىنگە شەگەرىلە بەردى. بەكەتتە كەپتەلىس ماسەلەسىنە قاتىستى تۇرعىندار شاعىمىنا نازار اۋدارساق!
مىنە سول كوپشىلىك اسىعا كۇتكەن اينالما جولدىڭ جالپى ۇزىندىعى 6 كم. ول رەسپۋبليكالىق ماڭىزى بار الماتى-استانا كۇرە جولىنىڭ 43-49 شاقىرىمى ارالاعىندا ورنالاسادى.
حالىق اسىعا كۇتكەن اينالما جول قۇرىلىسى بىرنەشە سەبەپتەرگە بايلانىستى توقتاعان. جوبا بويىنشا جول قاراساي اۋدانىنداعى ورمان قورىنا تيەسى 700 مەتر اۋماقتى باسىپ وتەدى. جەر تەلىمىن ورمان قورىنان الىپ، ينفراقۇرىلىمدىق نىسانعا پايدالانۋعا رۇقسات بەرۋ ءپروسى ءبىراز ۋاقىتقا سوزىلدى. سونىمەن بىرگە جەكە تۇرعىن ۇيلەردى ساتىپ الىپ، سۇرۋگە تۋرا كەلدى. وسىنداي جايتتار قۇرىلىستى تەجەدى، دەيدى ماماندار. ايتا كەتۋ كەرەك قۇرىلىسى جۇمىسى بيىل قارقىن الدى. ەكى كوپىر، تىرەۋىش تەمىربەتون تۇرعىزىلدى. مامانداردىڭ ايتۋىنشا قازىرگى كەزدە قۇرىلىس مونتاج جۇمىستارىنىڭ 75% اياقتالىپ قالعان.
نۇرجان تاڭاتاروۆ، «قازاۆتوجول» ۇك اق وف ديرەكتورىنىڭ ورىنباسارى