بىدگوشش قالاسىندا (پولشا) جىلدام شاحماتتان (راپيد) ايەلدەر اراسىندا كوماندالىق الەم چەمپيوناتى باستالدى. تۋرنيرگە 12 كوماندا قاتىسىپ جاتىر. ولار ەكى توپقا بولىنگەن، دەپ حابارلايدى Almaty-akshamy.kz قازاقستان شاحمات فەدەراسياسىنا سىلتەمە جاساپ.
قىزدارىمىز گرۋزيا، ۋكراينا، ءۇندىستان، فرانسيا جانە مىسىرمەن وينايدى. الدىن الا وتكەن تۋرنير قورىتىندىسى بويىنشا ەكى ۇزدىك كوماندا انىقتالادى.
ولار كۋبوك جۇيەسى بويىنشا 1-4 ورىنداردى ءوزارا بولىسپەك.
ءبىرىنشى كەزدەسۋدە قازاقستاندىق شاحماتشىلار مىسىر قۇراماسىن 3:1 ەسەبىمەن جەڭدى (ءبيبىسارا اساۋبايەۆا مەن مەرۋەرت كاماليدەنوۆا جەڭىسكە جەتتى، ال كسەنيا بالابايەۆا مەن الۋا نۇرمانوۆا ويىنىن تەڭ اياقتادى).
ەكىنشى اينالىمدا ءبىزدىڭ قۇراما ءۇندىستان كومانداسىن ۇتتى. جەڭىس ۇپايىن ءامينا قايىربەكوۆا اكەلدى.
ەندى فرانسيا مەن ۋكراينا كوماندالارىمەن وتەتىن كەلەسى ەكى ماچ وتە ماڭىزدى بولماق.
