الماتىدا پيك-تىڭ ميب-گە اۋىسۋى بەلسەندى قارقىنمەن جۇرۋدە
بۇل تۋرالى وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسى بارىسىندا قالا اكىمىنىڭ ورىنباسارى سەرىك قۇسايىنوۆ حابارلادى. ونىڭ ايتۋىنشا، ەگەر بۇرىن مەگاپوليس تۇرعىندارى ادەتتەگى پيك-تەن باس تارتۋعا اسىقپاسا، ءقازىر ۇيلەردى باسقارۋ نىسانىن جاپپاي وزگەرتىپ جاتىر، دەپ حابارلايدى Almaty-akshamy.kz
ەسكە سالساق، الماتىدا «ءبىر ءۇي – ءبىر بىرلەستىك – ءبىر شوت» قاعيداتى بويىنشا مەنشىك يەلەرى بىرلەستىكتەرىنىڭ ينستيتۋتى ەنگىزىلۋدە. مەملەكەت باسشىسى قازاقستان حالقىنا جولداۋىندا رەفورمانى جۇزەگە اسىرۋدىڭ ماڭىزدىلىعىن اتاپ ءوتتى.
الماتى اكىمىنىڭ ورىنباسارى س. قۇسايىنوۆ اتاپ وتكەندەي، قالادا ميب جانە جس-گە كوشۋ جۇمىستارى بەلسەندى قارقىنمەن جۇرگىزىلۋدە.
«تۇرعىن ۇي-كوممۋنالدىق شارۋاشىلىق سالاسىن قايتا جۇكتەۋ قاجەتتىگى بۇرىننان پىسىپ-جەتىلدى. كوپ جىلدار بويى جۇمىس ىستەپ كەلە جاتقان پيك-تەر كووپەراتيۆ ءتوراعالارىنىڭ جۇمىسى سياقتى ءۇي تۇرعىندارى تاراپىنان كوپتەگەن نارازىلىقتار تۋعىزدى» ، - دەپ حابارلادى قالا اكىمىنىڭ ورىنباسارى.
ول باسقارۋدىڭ جاڭا فورمالارىنىڭ كوپتەگەن ارتىقشىلىقتارى بار ەكەنىنە سەنىمدى: ءتوراعانى ءبىر جىلعا عانا تاڭداۋ مۇمكىندىگىنەن باستاپ، تۇرعىندار جيناعان قاراجاتتى پايدالانۋدىڭ اشىقتىعىنا دەيىن.
الماتىدا 8 645 كوپپاتەرلى تۇرعىن ءۇي بار، ولارعا ازىرگە 820 باسقارۋ ورگاندارى (پيك، تك، پيتك جانە ت.ب.) قىزمەت كورسەتەدى. الايدا، 2022 جىلدىڭ شىلدەسىنە دەيىن بارلىعى ميب نەمەسە جس-عا كوشۋ تۋرالى شەشىم قابىلداۋلارى ءتيىس. ول ءۇشىن الماتىدا اكىمدىكتەردىڭ قىزمەتكەرلەرىنەن تۇراتىن سەگىز ءموبيلدى توپ قۇرىلىپ، ولار تۇرعىندارمەن جينالىس وتكىزىپ، اقپاراتتاندىرادى. جىل باسىنان بەرى 2500 كوپقاباتتى ءۇيدىڭ تۇرعىندارىمەن 800 جينالىس ءوتتى.
«بۇگىندە مۇلىك يەلەرىنىڭ 623 بىرلەستىگى (ميب) تىركەلىپ، 2 185 جاي سەرىكتەستىك (جس) تاڭدالدى. الماتى قالاسى بويىنشا بارلىعى 3 001 كوپقاباتتى ءۇيدى قامتيتىن باسقارۋدىڭ 2 808 جاڭا نىسانى تىركەلگەن، بۇل 40%-دى قۇرايدى» ، - دەپ حابارلادى س. قۇسايىنوۆ.
ايتا كەتەرلىگى، ميب جانە جس-كە كوشكەن پاتەر يەلەرى ۇيگە قىزمەت كورسەتۋدىڭ قانداي ءتاريفىن، تۇرعىن ەمەس ءۇي-جايلاردى قالاي پايدالانۋ كەرەكتىگىن جانە ت. ب. تاڭداي الادى.