بۇل جاعداي بۇلعاق كەزىندە ورىن العان
الماتىدا جاپپاي تارتىپسىزدىك ۋاقىتىندا جالعا بەرىلگەن 170 ۆەلوسيپەد ۇرلاندى، دەپ حابارلايدى Almaty-akshamy.kz
بۇل تۋرالى قالالىق موبيلدىلىك باسقارماسىنىڭ باسشىسى عاني مىرزاحانوۆ ءمالىم ەتتى.
«220 ۆەلوسيپەد پەن 21 Almaty Bike ۆەلوستانسياسى بۇزىلدى. وعان قوسا 170 ۆەلوسيپەد ۇرلانعان. قازىرگى ۋاقىتتا اقپاراتتىق جۇيەنى قالپىنا كەلتىرۋ جانە تەكسەرۋ جۇمىستارى جۇرگىزىلۋدە. حالىققا قىزمەت كورسەتۋدى جاڭارتۋ 20 قاڭتارعا دەيىن جوسپارلانعان»، - دەدى عاني مىرزاحانوۆ.
ونىڭ ايتۋىنشا، زاقىمدالعان ۆەلوسيپەدتەردى جوندەۋ جانە ۇرلانعان ۆەلوسيپەدتەردى قالپىنا كەلتىرۋ ءۇشىن قوسىمشا 370 ملن تەڭگە ءبولۋ ماسەلەسى قارالىپ جاتىر.