قاۋلى جوباسىن قارجى نارىعىن رەتتەۋ جانە دامىتۋ اگەنتتىگى جاريالاعان.
جەكە تۇلعاعا قارجى جىلىنا بەلگىلەنگەن اەك-تىڭ 45 ەسەلەنگەن مولشەرىندە، 45 كۇنگە دەيىنگى مەرزىمگە بەرىلەدى، دەپ حابارلايدى aqshamnews.kz
قازاقستاندا شاعىن نەسيەلەر بەرۋ تۋرالى كەلىسىمدەردى جاساسۋ تارتىبىنە وزگەرىستەر ەنگىزۋ جوسپارلانىپ وتىر. قاۋلى جوباسى «اشىق نقا» پورتالىندا جاريالاندى.
«جەكە تۇلعامەن رەسپۋبليكالىق بيۋدجەت تۋرالى زاڭدا ءتيىستى قارجى جىلىنا بەلگىلەنگەن ايلىق ەسەپتىك كورسەتكىشتىڭ 45 ەسەلەنگەن مولشەرىنەن اسپايتىن مولشەردە، كۇنتىزبەلىك 45 كۇنگە دەيىنگى مەرزىمگە جاسالعان ميكرونەسيە بەرۋ تۋرالى شارتتىڭ جالپى تالاپتارى قامتىلادى»، - دەلىنگەن قۇجاتتا.
تۇزەتۋلەر «قازاقستان رەسپۋبليكاسىنىڭ كەيبىر زاڭنامالىق اكتىلەرىنە نەسيە بەرۋ كەزىندە تاۋەكەلدەردى بارىنشا ازايتۋ، قارىز الۋشىلاردىڭ قۇقىعىن قورعاۋ، قارجى نارىعىن رەتتەۋدى جانە اتقارۋشىلىق ءىس جۇرگىزۋدى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» ق ر زاڭىنىڭ 17-تارماعىنىڭ 3-تارماقشاسىن ىسكە اسىرۋ شەڭبەرىندە جاسالعانى دا جازىلعان.
قۇجات جوباسىنا سايكەس، مىناداي تالاپتار قامتىلادى:
ميكرونەسيە سوماسىن قايتارۋ جانە (نەمەسە) ميكرونەسيە بەرۋ تۋرالى شارت بويىنشا سىياقى تولەۋ جونىندەگى مىندەتتەمەنى بۇزعانى ءۇشىن ايىپاقىنىڭ (ايىپپۇلدىڭ، ءوسىمپۇلدىڭ) مولشەرى مەرزىمى وتكەن ءاربىر كۇن ءۇشىن ورىندالماعان مىندەتتەمە سوماسىنىڭ 0،2 پايىزىنان اسپايدى؛
ميكرونەسيەنىڭ ءمانىن قوسپاعاندا، ميكرونەسيە بەرۋ تۋرالى شارتتا كوزدەلگەن سىياقى مەن ايىپاقى (ايىپپۇل، ءوسىمپۇل) سوماسىن قوسا العاندا، ميكرونەسيە بەرۋ تۋرالى شارت بويىنشا قارىز الۋشىنىڭ بارلىق تولەمى جيىنتىعىندا ميكرونەسيە بەرۋ تۋرالى شارتتىڭ بۇكىل قولدانىس كەزەڭى ءۇشىن بەرىلگەن ميكرونەسيە سوماسىنىڭ جارتىسىنان اسپايدى؛
تاراپتاردىڭ كەلىسىمى بويىنشا ميكرونەسيە بەرۋ تۋرالى شارتتىڭ قولدانىس مەرزىمىن كۇنىنە 0،2 پايىزدان اسپايتىن شارت بويىنشا سىياقىنى كوزدەيتىن جاقسارتاتىن تالاپتاردا كۇنتىزبەلىك 45 كۇننەن اسپايتىن مەرزىمگە ەكى رەتتەن استام ەمەس ۇلعايتۋعا بولادى.
قاۋلى جوباسى 19 تامىزعا دەيىن قوعامدىق تالقىلاۋدا بولادى. سونداي-اق 20 تامىزدان باستاپ قاۋلى قولدانىسقا ەنگىزىلەدى جانە رەسمي جاريالانۋعا ءتيىس.