بەلگىلى بوكسشى لاۋازىمىنان بوساتىلدى
تانىمال بوكسشى، وليمپيادا چەمپيونى سەرىك ساپييەۆ ق ر مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ ءتوراعاسى لاۋازىمىنان بوساتىلدى، دەپ حابارلايدى Almaty-akshamy.kz قازاقپارات سايتىنا سىلتەمە جاساپ.
بۇل حاباردى سپورت جانە دەنە شىنىقتىرۋ ىستەرى كوميتەتىنىڭ باسپا ءسوز قىزمەتى راستادى. كوميتەتتىڭ ايتۋىنشا، سەرىك ساپييەۆ ءوز ەركىمەن جۇمىستان كەتكەن. ايتا كەتەيىك، جازدا وتكەن توكيو وليمپيادا ويىندارىندا قازاقستاندىق بوكسشىلار جوعارى ناتيجە كورسەتە الماعان ەدى.
«باسقا بوكسشىلاردىڭ دا ناتيجەسى ءماز ەمەس، كەيبىر سپورتشىلار ءتيىستى دەڭگەيدەگى دايىندىقپەن كەلمەدى. جالپى، بوكسشىلار وليمپيادادا «التىن» الماعاندىقتان، كورسەتكىش ناشار دەپ ەسەپتەيمىن»، - دەپ باعالادى سەرىك ساپييەۆ.
سەرىك جۇمانعالي ۇلى قاراعاندى وبلىسى اباي قالاسىندا 1983 جىلعى 16 قاراشادا دۇنيەگە كەلگەن.
2002-2004 جىلدارى - قازاقستان رەسپۋبليكاسىنىڭ قارۋلى كۇشتەر قاتارىندا بورىشىن ورىنداعان.
2003-2009 جىلدارى - ە.ا.بۋكەتوۆ اتىنداعى قاراعاندى مەملەكەتتىك ۋنيۆەرسيتەتىندە دەنە شىنىقتىرۋ وقىتۋشىسى جانە قۇقىقتانۋ ماماندىقتارى بويىنشا ءبىلىم العان.
2011-2014 جىلدارى - تاۋ-كەن ىستەرىنىڭ باكالاۆرى ماماندىعى بويىنشا ءقارمتۋ-ىن بىتىرگەن.
2014-2016 جىلدارى - قازاق سپورت جانە تۋريزيم اكادەمياسىنىڭ اكادەميالىق پەداگوگيكا عىلىمىنىڭ ماگيسترى دارەجەسىن العان.
2014 جىلى - «بولاشاق» باعدارلاماسى بويىنشا سپورت مەنەدجەرى ماماندىعىن العان. 2004-2014 جىلدارى - كەلىسىمشارت بويىنشا مەرزىمنەن تىس اسكەري قىزمەتتە بولعان. 2010-2012 جىلدارى - «قازاقستاننىڭ بوكس فەدەراسياسى» فا ويۋل جاتتىقتىرۋشى-وقىتۋشى قىزمەتىن اتقارعان.
2013-2014 جىلدارى - «قازاقستاننىڭ بوكس فەدەراسياسى» فا ويۋل سپورت جونىندەگى ديرەكتورى، 2005-2013 جىلدارى بوكس جونىندەگى قازاقستان رەسپۋبليكاسىنىڭ ۇلتتىق كومانداسىنىڭ شتاتتىندا نۇسقاۋشى-سپورتشى، 2014-2017 جىلدارى - ج ش س «Astana Arlans» كسك باس ديرەكتورى بولعان.
2017-2019 جىلدارى VI سايلانعان ق ر پارلامەنتى ءماجىلىسىنىڭ دەپۋتاتى، الەۋمەتتىك-مادەني دامۋ كوميتەتىنىڭ مۇشەسى، «نۇر وتان» پارتياسىنىڭ قازاقستان رەسپۋبليكاسى پارلامەنتى ماجىلىسىندەگى فراكسياسىنىڭ مۇشەسى بولعان.
2019 جىلى ق ر مادەنيەت جانە سپورت مينيسترلىگى سپورت جانە دەنە شىنىقتىرۋ كوميتەتىنىڭ ءتوراعاسى بولىپ تاعايىندالعان ەدى.
بارلىق قۇقىقتار قورعالعان. inform.kz بەلسەندى سىلتەمەنى پايدالانىڭىز https://www.inform.kz/kz/serik-sapiev-kyzmetinen-ketti_a3850932