سەرىك كۇدەبايەۆ ق ر ىشكى ىستەر ورگاندارىنان كەتتى

الماتى وبلىسى پوليسيا دەپارتامەنتىنىڭ ەكس-باسشىسى، گەنەرال-مايور سەرىك كۇدەبايەۆ ىشكى ىستەر ورگاندارىنداعى قىزمەتىنەن بوساتىلدى، دەپ حابارلايدى almaty-akshamy.kz

"بيىل اقپاندا ونى جۇمىستان بوساتۋ تۋرالى بۇيرىققا قول قويىلدى"، – دەپ جازىلعان ءىىم باسپا ءسوز قىزمەتىنىڭ "ينتەرفاكس-قازاقستان" اقپارات اگەنتتىگىنە بەرگەن مالىمەتىندە.

ەسكە سالا كەتسەك، 2022 جىلعى ناۋرىزدا باس پروكۋرور بەرىك اسىلوۆ قاڭتار وقيعاسى بايلانىستى پوليسيا دەپارتامەنتى مەن ۇقك باسشىلارىنا قاتىستى 7 قىلمىستىق ءىستى تەرگەپ جاتقانىن حابارلاعان ەدى.

"5 قاڭتاردا الماتى قالاسى، الماتى، جامبىل جانە قىزىلوردا وبلىستارىنداعى پوليسيا دەپارتامەنتتەرى مەن ۇقك ءۇش دەپارتامەنتىنىڭ باسشىلارى جۇمىس ورنىنان كەتىپ قالعان، ءارى ولار وندا قارۋ قالدىرعانى انىقتالدى. بۇل فاكتىلەر بويىنشا 7 قىلمىستىق ءىس قوزعالدى. ولار بويىنشا تەرگەۋ ارەكەتتەرىنىڭ نەگىزگى كولەمى اياقتالدى"، – دەدى بەرىك اسىلوۆ.

سەرىك كۇدەبايەۆ الماتى وبلىستىق پوليسياسىن 2020 جىلدىڭ 29 قاڭتارىنان باستاپ باسقاردى.

ول 1965 جىلى تۋعان، ىشكى ىستەر ورگاندارىندا 1990 جىلدان باستاپ قىزمەت ەتەدى. باسشىلىق لاۋازىمداردا جۇمىس تاجىريبەسى مول.

2009-2013 جىلدارى الماتى وبلىسىنىڭ پوليسيا دەپارتامەنتى باستىعىنىڭ ءبىرىنشى ورىنباسارى، ودان كەيىن باستىعى بولىپ جۇمىس ىستەدى.

2013 جىلدىڭ قازان ايىنان باستاپ الماتى قالاسىنىڭ پوليسيا دەپارتامەنتىن باسقاردى.

.