يندونەزيادا نۋسانتارا قالاسىنىڭ اكىمشىلىگىمەن بىرىگىپ جاساعان ءبىزدىڭ پيلوتتىق جوبامىز ىسكە قوسىلدى.
جوبا اياسىندا كولىك قوزعالىسىن تالداۋ جانە بولجاۋعا ارنالعان Sergek ITS ينتەللەكتۋالدى كولىك جۇيەسى، سونداي-اق ەكولوگيا جانە جول قاۋىپسىزدىگى سالاسىنداعى شەشىمدەردى ەكسپورتتالاتىن بولادى، دەپ حابارلايدى اlmaty-akshamy.kz.
بۇل تۋرالى بۇگىن Digital Almaty حالىقارالىق سيفرلىق فورۋمىندا باس ديرەكتورىمىز اسەت احمەتوۆ ءبولىستى. ونىڭ ايتۋىنشا، Sergek تەحنولوگيالارىنىڭ باستى ەرەكشەلىگى - جەرگىلىكتى ينفراقۇرىلىمعا بەيىمدەلۋ مۇمكىندىگى. ال Sergek Group كومپانياسىنىڭ جاھاندىق نارىقتار ءبولىمىنىڭ باسشىسى الەنا تكاچەنكو استانادا سمارت قالا سالۋدا ءبىزدىڭ تەحنولوگيالاردى قولدانۋدىڭ تابىستى تاجىريبەسى نۋسانتارادا جانە، مۇمكىن، يندونەزيانىڭ باسقا ايماقتارىندا دا قولدانىلاتىنىن اتاپ ءوتتى.
پيلوتتىق جوبا اياسىندا جەلىلىك ينفراقۇرىلىم مەن دەرەكتەر ورتالىعىن قۇرۋ ءۇشىن ءبىزدىڭ كوماندا Cisco Systems كومپانياسىمەن جۇمىس ىستەدى. سونىمەن قوسا، ينتەرنەتپەن قامتاماسىز ەتۋ ءۇشىن PT Telkom Indonesia كومپانياسىمەن ستراتەگيالىق سەرىكتەستىك ورناتتى.