استانادا پرەزيدەنت توقايەۆتىڭ جەتەكشىلىگىمەن قازاقستان حالقى اسسامبلەياسىنىڭ سەسسياسى ءوتتى.
قازاقستاندا ۇلتارالىق قاقتىعىستار جوق. بۇل تۋرالى قحا-نىڭ ءحححى سەسسياسىندا سويلەگەن سوزىندە ونىڭ مۇشەسى سەرگەي وگاي ۇلتارالىق كەلىسىمدى نىعايتۋ ماسەلەلەرىنە توقتالىپ ءوتتى، دەپ حابارلايدى Almaty-akshamy.kz.
«ۇلتتىق تەگىنە قاراماستان، ءبىز ءبارىمىز - ۇلى دالانىڭ پەرزەنتتەرىمىز، قازاقستان ازاماتتارىمىز. حالىقتىڭ الەۋمەتتىك وسال توپتارىن قولداۋ ماسەلەسىنە كەلسەك، 2021 جىلدان بەرى 150 مىڭنان استام ازاماتقا 1،3 ميلليارد تەڭگەدەن استام كومەك كورسەتىلدى»، - دەدى قحا مۇشەسى.
بۇل جايىندا مەملەكەت باسشىسى دا ءوز سوزىندە اتاپ وتكەن ەدى. پرەزيدەنت توقايەۆ: «بىرلىك، تاتۋلىق جانە بەيبىتشىلىك – ءبىزدىڭ مىزعىماس قۇندىلىقتارىمىز»، - دەگەن بولاتىن.
«ەلىمىزدە تۇراتىن بارلىق ەتنوس وكىلدەرىنىڭ جالپىازاماتتىق قۇندىلىقتاردى قۇرمەتتەۋى جانە وزدەرىن قازاقستانمەن بايلانىستىرۋى اسا ماڭىزدى. بۇل – تاۋەلسىزدىك جىلدارىنداعى ءبىزدىڭ ۇلكەن جەتىستىگىمىز. ونى جان-جاقتى نىعايتۋعا مىندەتتىمىز. پارتيالارعا داۋىس بەرگەندە، جاڭا ساياسي جاعدايدا بەيبىتشىلىك پەن كەلىسىمدى جانە حالىقتىڭ بىرلىگىن كىم اسا ماڭىزدى دەپ ساناسا، سوعان باسىمدىق بەرىلەدى»، – دەدى مەملەكەت باسشىسى.
سپيكەردىڭ ايتۋىنشا، قحا كاسىپكەرلەر قاۋىمداستىعى مەملەكەت باسشىسىنىڭ تاريحي شىققان ەلدەردىڭ سەرىكتەستەرىمەن بىرلەسكەن كاسىپورىنداردى دامىتۋ تۋرالى ۇسىنىسىن قولدادى. وسىلايشا، كورەيلەر قاۋىمداستىعى جاڭا تەحنولوگيالاردى تارتۋ ماقساتىندا وڭتۇستىك كورەيامەن جۇمىس ىستەيتىن «ينۆەستيكس» كومپانياسىن قۇردى.
«اسسامبلەيادا ەتنوورتالىقتارعا الەۋمەتتىك ماڭىزى بار حالىقتىق جوبالاردى دامىتۋعا كومەكتەسەتىن جوبالىق كەڭسە قۇرۋدى ۇسىنامىن»، - دەپ تۇيىندەدى ءسوزىن سەرگەي وگاي.
ەستەرىڭىزگە سالا كەتسەك، 29 ءساۋىر كۇنى قازاقستان استاناسىندا پرەزيدەنت توقايەۆتىڭ جەتەكشىلىگىمەن قازاقستان حالقى اسسامبلەياسىنىڭ سەسسياسى وتكەن بولاتىن.