جەتىنشى سىنىپ وقۋشىسى اكەسىنىڭ تاپانشاسىن قولدانعان
سەربيا استاناسى بەلگرادتا جەتىنشى سىنىپ وقۋشىسى اكەسىنىڭ تاپانشاسىنان وقۋشىلارعا وق جاۋدىردى. سوڭعى مالىمەتتەر بويىنشا، 9 ادام قازا تاپتى، كۇدىكتى ۇستالدى، دەپ حابارلايدى Almaty-akshamy.kz Zakon.kz-كە سىلتەمە جاساپ.
بەلگرادتا ءجاسوسپىرىم وقۋشىلار مەن مەكتەپ كۇزەتشىلەرىنە وق جاۋدىردى. وقيعا تاڭعى ساعات 8-دەر شاماسىندا بولعان.
پوليسيا بارلىق ءپاترۋلدى جىبەرىپ، وقيعا ورنىنا جەتكەن ءتارتىپ ساقشىلارى بىردەن كامەلەتكە تولماعان كۇدىكتىنى ۇستادى.
سوڭعى مالىمەتتەر بويىنشا، اتىس سالدارىنان كەم دەگەندە 9 ادام قازا تاپتى.
پوليسيانىڭ مالىمەتىنشە، جەتىنشى سىنىپ وقۋشىسى اكەسىنىڭ تاپانشاسىن قولدانعان.
سونداي-اق پوليسەيلەر ونىڭ سومكەسىنەن ءورت ءسوندىرۋ قۇرالدارىن تاپتى. بارلىق ادام ەۆاكۋاسيالانىپ، مەكتەپ جانىنان كەزەكشىلىك ۇيىمداستىرىلدى.
"Blic" باسىلىمىنىڭ جازۋىنشا، وقۋشى "تاريحتان بىرلىك الىپ قالىپ، ەسىنەن اداسقان". وقۋشىلاردىڭ ءبىرى كۇدىكتى تەك بەسكە وقىعانىن، مەكتەپتە ونى "وقىمىستى" دەپ اتايتىنىن ايتتى.