وتكەن جىلى سەنىم تەلەفونى ارقىلى 27 مىڭنان استام ايەل كومەككە جۇگىندى.
بۇل تۋرالى ءىىم-نىڭ اپتالىق بريفينگىندە ايتىلدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
1999 جىلى اقپاندا ءىىو جۇيەسىندە ايەلدەردى زورلىق-زومبىلىقتان قورعاۋ بولىمشەسى قۇرىلدى. ونىڭ ماقساتى – ايەلدەردى زاڭسىز قول سۇعۋشىلىقتان قورعاۋ، زورلىق-زومبىلىق فاكتىلەرىنىڭ الدىن الۋ جانە جولىن كەسۋ ماسەلەلەرىندە قۇقىقتىق كومەك كورسەتۋ.
ايەلدەردى زورلىق-زومبىلىقتان قورعاۋ جونىندەگى ينسپەكتورلار ءار قالالىق جانە اۋداندىق پوليسيا بولىمشەلەرىندە بار. بۇل ايەلدەرگە قاتىستى زورلىق-زومبىلىق فاكتىلەرىنە جەدەل دەن قويۋ مۇمكىندىگىن ارتتىرادى. بۇل قىزمەتكەرلەر تۇرمىستىق زورلىق-زومبىلىق جاساعان نەمەسە ونى جاساۋ ءقاۋپى بار قۇقىق بۇزۋشىلارعا قاتىستى ءوز بەتىنشە قورعانىس ۇيعارىمدارىن شىعارا الادى. سونىمەن قاتار، ولار جەرگىلىكتى اتقارۋشى ورگاندارمەن بىرلەسىپ جابىرلەنۋشىلەرگە قۇقىقتىق، پسيحولوگيالىق، الەۋمەتتىك كومەك كورسەتەدى.
وتكەن جىلى ايەلدەردى زورلىق-زومبىلىقتان قورعاۋ بولىمشەلەرىنىڭ ينسپەكتورلارى سەنىم تەلەفوندارى ارقىلى 27 مىڭنان استام ايەلگە كەڭەس بەردى، ومىرلىك قيىن جاعدايعا تاپ بولعان 9 مىڭنان استام زارداپ شەككەن ادام داعدارىس ورتالىقتارىنا جۇگىندى. داعدارىس ورتالىقتارىنىڭ سەنىم تەلەفوندارىنا 5 مىڭعا جۋىق قوڭىراۋ ءتۇستى. ايەلدەردى زورلىق-زومبىلىقتان قورعاۋ بولىمشەسىنىڭ ينسپەكتورلارى باسپاناعا 3 مىڭنان استام ادامدى ورنالاستىردى. سونداي-اق ايەلدەرگە 9 مىڭنان استام كەڭەس بەرىلدى، ونىڭ 5،5 مىڭنان استامى پوليسياعا جۇگىندى. ناتيجەسىندە 22 ادام قىلمىستىق جاۋاپكەرشىلىككە تارتىلدى، 4731 ادام اكىمشىلىك جاۋاپكەرشىلىككە تارتىلدى.