الماتى قالاسىنىڭ جۇمىسپەن قامتۋ جانە الەۋمەتتىك باعدارلامالار باسقارماسىنا قاراستى كمم «سەنىم» الەۋمەتتىك قىزمەتتەر ورتالىعىندا گولبولدان سپورتتىق ءىس-شارا ۇيىمداستىرىلدى.
گولبول - كورۋ قابىلەتى بۇزىلعان بالالار مەن ەرەسەكتەرگە ارنالعان كوماندالىق سپورت ويىنى. ويىن بارىسىندا ىشىندە قوڭىراۋى بار ارنايى دوپتار قولدانىلادى، بۇل ويىنشىلارعا دوپتىڭ ورنىن دىبىس ارقىلى انىقتاۋعا مۇمكىندىك بەرەدى.
«قالالىق وقۋ-تاجىريبەلىك دەنە شىنىقتىرۋ جانە سپورت ورتالىعى» ۇيىمداستىرعان «قالالىق ينكليۋزيۆتى ويىندار» اياسىندا ورتالىقتىڭ قىزمەت الۋشىلارى جارىسقا قاتىسىپ، II ورىنعا يە بولدى.
ءىس-شارا بەلسەندى ءارى دوستىق اتموسفەرادا ءوتىپ، قاتىسۋشىلاردىڭ كوماندالىق رۋحىن، فيزيكالىق بەلسەندىلىگىن جانە ەموسيونالدىق جاي-كۇيىن دامىتۋعا ىقپال ەتتى.
بەيىمدەلگەن سپورت تۇرلەرىمەن اينالىسۋ قاتىسۋشىلاردىڭ ەڭبەكقورلىعىن، ەرىك-جىگەرىن، تاباندىلىعىن جانە ماقساتقا ۇمتىلىسىن قالىپتاستىرۋعا كومەكتەسەدى، سونداي-اق ولاردىڭ الەۋمەتتىك بەيىمدەلۋىنە جانە قوعامدىق ومىرگە بەلسەندى ارالاسۋىنا جاعداي جاسايدى.
كمم «سەنىم» الەۋمەتتىك قىزمەتتەر ورتالىعى 3 جاستان 18 جاسقا دەيىنگى پسيحونيەۆرولوگيالىق پاتولوگيالارى جانە تىرەك-قيمىل اپپاراتى بۇزىلعان مۇگەدەكتىگى بار بالالارعا ستاسيونار جاعدايىندا ارنايى الەۋمەتتىك قىزمەتتەر كورسەتەدى. ورتالىقتا قىزمەتتەردىڭ 8 ءتۇرى ۇسىنىلادى: الەۋمەتتىك-تۇرمىستىق، الەۋمەتتىك-مەديسينالىق، الەۋمەتتىك-پسيحولوگيالىق، الەۋمەتتىك-پەداگوگيكالىق، الەۋمەتتىك-ەڭبەك، الەۋمەتتىك-مادەني، الەۋمەتتىك-قۇقىقتىق جانە الەۋمەتتىك-ەكونوميكالىق قىزمەتتەر.
وسىنداي سپورتتىق ءىس-شارالاردى وتكىزۋ كمم «سەنىم» الەۋمەتتىك قىزمەتتەر ورتالىعىنىڭ قىزمەتىندەگى ماڭىزدى باعىتتاردىڭ ءبىرى بولىپ تابىلادى جانە قىزمەت الۋشىلاردىڭ بەلسەندى دەمالىسىن ۇيىمداستىرۋعا، دەنساۋلىعىن نىعايتۋعا جانە ءومىر ساپاسىن ارتتىرۋعا باعىتتالعان.