زاڭ جوباسى پالاتانىڭ قاراۋىنا جىبەرىلدى
سەناتور داۋرەن ادىلبەكوۆتىڭ ءتوراعالىق ەتۋىمەن ەكونوميكالىق ساياسات، يننوۆاسيالىق دامۋ جانە كاسىپكەرلىك كوميتەتىنىڭ كەڭەيتىلگەن وتىرىسى بولدى، دەپ حابارلايدى Almaty-akshamy.kz.
وندا سەناتورلار «ەۋرازيالىق ەكونوميكالىق وداقتىڭ تەحنيكالىق رەگلامەنتتەرى تالاپتارىنىڭ ساقتالۋىنا مەملەكەتتىك باقىلاۋدى (قاداعالاۋدى) ەۋرازيالىق ەكونوميكالىق وداققا مۇشە مەملەكەتتەردىڭ كورسەتىلگەن سالاداعى زاڭناماسىن ۇيلەستىرۋ ماقساتىندا جۇزەگە اسىرۋ قاعيداتتارى مەن تاسىلدەرى تۋرالى كەلىسىمدى راتيفيكاسيالاۋ تۋرالى» زاڭ جوباسىن قارادى.
قۇجات وداققا مۇشە مەملەكەتتەر اۋماقتارىنداعى تەحنيكالىق رەگلامەنتتەردىڭ تالاپتارىنا سايكەس كەلمەيتىن ءونىمدى انىقتاۋ جونىندەگى مەملەكەتتىك باقىلاۋ ورگاندارىنىڭ ءوزارا ءىس-قيمىلىن رەتتەيدى. بۇل – ءتيىستى ورگانعا قۇجاتتىڭ قولدانىلۋىن توقتاتا تۇرۋ نەمەسە توقتاتۋ قاجەتتىگى تۋرالى ۇيعارىم جاساۋعا شەشىم قابىلداۋ ءۇشىن دە ماڭىزدى. سونىمەن قاتار، كەلىسىم ەرەجەلەرى وداقتىڭ تەحنيكالىق رەگلامەنتتەرىنىڭ تالاپتارىنا سايكەس كەلمەيتىن ونىمدەردىڭ مۇشە مەملەكەتتەردىڭ اۋماقتارىندا اينالىمعا شىعۋىن بولدىرماۋعا باعىتتالعان.
زاڭ جوباسى پالاتانىڭ قاراۋىنا جىبەرىلدى.