الماتى قالاسى پوليسيا دەپارتامەنتىندە سەنات دەپۋتاتتارى مارات قوجايەۆ، جاننا اسانوۆا جانە نۇريا نيازوۆا ەسەپ بەرۋ كەزدەسۋىن وتكىزدى، دەپ حابارلايدى aqshamnews.kz
كەزدەسۋ بارىسىندا دەپارتامەنت باسشىلىعى:
- جەدەل باسقارۋ ورتالىعىنا ەنگىزىلگەن سيفرلىق شەشىمدەر،
- «102» جەلىسى بويىنشا قوڭىراۋلارعا قىزمەت كورسەتۋ ساپاسىن ارتتىرۋ،
- قىلمىستاردى اشۋدا مامانداندىرىلعان باعدارلامالىق مودۋلدەردىڭ تيىمدىلىگى تۋرالى باياندادى.
«ەستۋشى مەملەكەت» تۇجىرىمداماسى اياسىندا:
- بەينەباقىلاۋ جۇيەسىن ورناتۋ،
- «سوقىر» ايماقتاردى جويۋ تاپسىرمالارىن ورىنداۋ بارىسى قارالدى.
قازىرگى تاڭدا 1 477 بەينەكامەرا جەدەل-تەرگەۋ جانە ۋچاسكەلىك پوليسيا بولىمشەلەرىنە قوسىلعان. پاترۋلدىك جاساقتاردى باسقارۋ كيىلەتىن بەينەتىركەگىشتەر ارقىلى ونلاين رەجيمدە جۇزەگە اسىرىلادى.
سىرتقى قىزمەتتەر ءموبيلدى پلانشەتتەرمەن جابدىقتالىپ، جەدەل شەشىم قابىلداۋ مۇمكىندىكتەرى كەڭەيتىلدى. جالپى 52 مىڭنان استام بەينەكامەرا قوعامدىق قاۋىپسىزدىكتى باقىلاۋ ءۇشىن قوسىلعان.
بيىلدان باستاپ ءبىلىم بەرۋ مەكەمەلەرىن ونلاين باقىلاۋ جۇيەسى ىسكە قوسىلدى. يۋۆەنالدى پوليسيا قىزمەتكەرلەرى ءموبيلدى پلانشەتتەرگە قاجەتتى باعدارلامالارمەن جابدىقتالدى.
كەزدەسۋ ناتيجەسىندە بەينەباقىلاۋ جۇيەلەرىن جەتىلدىرۋ بويىنشا ۇسىنىستار مەن تاپسىرمالار بەرىلدى.