سەناتتاعى ۇكىمەت ساعاتىندا سەناتور زاكىرجان كۋزييەۆ ۇن وڭدەۋ سالاسىنداعى ماسەلەلەردى كوتەردى، دەپ حابارلايدى Almaty-akshamy.kz Azattyq Ruhy-نا سىلتەمە جاساپ.
«بۇگىنگى تاڭدا بيداي وڭدەۋ سالاسىندا ۇن تارتۋ وندىرىسىنە شەشۋشى ءرول بەرىلەدى. سوڭعى ۋاقىتتا بۇل سالادا ونىڭ دامۋىنا ءقاۋىپ توندىرەتىن ۇلكەن پروبلەمالار جيناقتالدى. ەگەر 15 جىل بۇرىن قازاقستاندا 270 كاسىپورىن ۇن ءوندىرىپ الەمدىك كوشباسشى بولسا، ءقازىر ولاردىڭ ۇشتەن بىرىنەن ازى جۇمىس ىستەيدى.مۇنىڭ سەبەبى-نارىقتاعى ۇلكەن باسەكەلەستىك. بۇل جاعدايدا ءبىز ەكى شەشىمنىڭ ءبىرىن قابىلداۋىمىز كەرەك: حالىقارالىق نارىقتاعى پوزيسيامىزدى قالپىنا كەلتىرۋ نەمەسە استىقتى تەرەڭىرەك وڭدەۋگە كوشۋ»، - دەدى ول.
سەناتوردىڭ ايتۋىنشا، استىقتى وڭدەۋدىڭ ءبىرىنشى كەزەڭىندە جارما، ۇن جانە وزگە ءونىم الىنادى، ونى كوپتەگەن وڭدەۋشى جاسايدى.
«ءبىزدىڭ وندىرۋشىلەردى استىقتى تەرەڭىرەك وڭدەۋگە ىنتالاندىرۋ قاجەت، وندا امينقىشقىلدارى، ليزين، ۆيتاميندەر، تاعامدىق قوسپالار جانە بيوپوليمەرلەر تۇرىندەگى ءتۇرلى ونىمدەردىڭ كەڭ تىزبەسىن، وسى جوعارى قوسىمشا قۇنى بار ونىمدەردى الۋعا بولادى. مىسالى، قۇنى 102 مىڭ تەڭگە بولاتىن ءبىر توننا استىقتان ۇنعا قايتا وڭدەۋ كەزىندە ءبىز 146 مىڭ تەڭگە الامىز، ال ونىڭ قۇرامداس بولىكتەرىنە تەرەڭ قايتا وڭدەۋ كەزىندە مفق، ليزين، كراحمال جانە ورتا ەسەپپەن 585 مىڭ تەڭگە الامىز، مۇندا قوسىمشا قۇن 400% - عا ارتادى. وكىنىشكە قاراي، استىقتى تەرەڭ وڭدەۋ ماسەلەلەرى نازاردان تىس قالادى»، - دەدى ول.
كۋزييەۆ اشم ازىرلەگەن قانت سالاسىن دامىتۋ باعدارلاماسى جۇمىس ىستەمەيتىنىن ايتتى.
«ولاردىڭ جوسپارلارى بويىنشا 2021 جىلى وتاندىق شيكىزاتتان قانت ءوندىرىسى 121 مىڭ تونناعا دەيىن ۇلعايۋى ءتيىس ەدى، ال ءىس جۇزىندە تەك 39 مىڭ توننا ءوندىرىلدى»، - دەدى ول.