سەناتور الماتى قالاسىنىڭ الداعى جىلىتۋ كەزەڭىنە دايىندىق بارىسىمەن تانىستى

قالاداعى قازاندىقتار مەن گيدرواگرەگات جابدىقتاردىڭ جالپى سانى 56 بولىپ وتىر

سەناتور سۇلتانبەك ماكەجانوۆ الماتى قالاسىنا ساپارى اياسىندا №2 جىلۋ ەلەكتر ورتالىعىندا، «وربيتا» اۋداندىق قازاندىعى اۋماعىندا جانە «الماتى جىلۋ جەلىلەرى» نىساندارىن سالۋ جانە جاڭعىرتۋ الاڭدارىندا بولدى، دەپ حابارلايدى Almaty-akshamy.kz Azattyq Ruhۋ-نا سىلتەمە جاساپ.

دەپۋتات جىلۋ جەلىلەرى مەن جابدىقتاردىڭ الداعى قىسقى ماۋسىمعا دايىندىق جۇمىسىنىڭ بارىسى تۋرالى حاباردار بولدى. وعان سونداي-اق نەگىزگى ەنەرگيا كوزدەرىنىڭ جابدىقتارىن جوندەۋ كەستەسى بويىنشا جۇرگىزىلىپ جاتقان جۇمىستار دا تانىستىرىلدى.

دەپۋتات الماتى قالاسىنداعى قاراماعىنا №1، №2 جىلۋ ەلەكتر ورتالىقتارى مەن باتىس جىلۋ كەشەنى جانە كاسكاد ەلەكتر ستانساسى كىرەتىن «الەس» اق-نىڭ نەگىزگى قۋات كوزدەرى جابدىقتارىن 2023 جىلعى جوندەۋ كەستەسىمەن دە تانىستى. مۇنداعى ەنەرگەتيكالىق، سۋ جىلىتۋ، بۋ قازاندىقتارى مەن تۋربو جانە گيدرواگرەگات جابدىقتاردىڭ جالپى سانى 56 بولىپ وتىر.

«مەملەكەت باسشىسى 2022 جىلعى جەلتوقساندا ق ر ۇكىمەتىنىڭ كەڭەيتىلگەن وتىرىسى كەزىندە ۇكىمەتكە ەنەرگيا نىساندارى مەن جىلۋ جەلىلەرىن جوندەۋ مىندەتتەرىن شەشۋدى تاپسىرعان بولاتىن. پرەزيدەنتتىڭ تاپسىرماسىنا سايكەس، مەملەكەتتىك مەنشىكتەگى ەنەرگەتيكا نىساندارى بيۋدجەت ەسەبىنەن جوندەلۋى ءتيىس. جەكەمەنشىك نىساندار «ءتاريفتى ينۆەستيسياعا ايىرباستاۋ» باعدارلاماسى بويىنشا ءوز ەسەبىنەن جاڭعىرتىلادى. ۇكىمەت بۇل مىندەتتى جەدەل تۇردە شەشۋگە كىرىسۋى كەرەك»، - دەدى سەناتور سۇلتانبەك ماكەجانوۆ.

دەپۋتات ەنەرگەتيكالىق كەشەندى دامىتۋ جونىندەگى ۇكىمەتپەن بىرگە جۇرگىزىلىپ جاتقان جۇمىستار تۋرالى دا ايتىپ بەردى.