ۇلتتىق ەكونوميكا ءمينيسترى اسەت ەرعالييەۆ ق ر پارلامەنتى سەناتىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە كاسىپكەرلىك قىزمەت سالاسىنداعى جاڭا رەتتەۋشىلىك ساياساتتى ەنگىزۋ جانە قازاقستان رەسپۋبليكاسى ىشكى ىستەر ورگاندارىنىڭ جەكەلەگەن فۋنكسيالارىن قايتا ءبولۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ۇسىندى.
سەنات دەپۋتاتتارى اتالعان زاڭ جوباسىن ماقۇلدادى، دەپ حابارلايدى Almaty-akshamy.kz
«تازا پاراقتان» رەتتەۋدىڭ جاڭا تاسىلدەرى مەملەكەت پەن بيزنەستىڭ ءوزارا ءىس-قيمىلىنىڭ بازالىق قاعيداتتارىن جەتىلدىرۋدى، «1 in 2 out» قاعيداتىن ەنگىزۋدى، مىندەتتى تالاپتار ءتىزىلىمىن، بيزنەس ەسەپتىلىگىن اۆتوماتتاندىرۋدى جانە مەملەكەتتىك باقىلاۋدى جەتىلدىرۋدى كوزدەيدى»، - دەدى سەناتتىڭ جالپى وتىرىسىندا ق ر ۇلتتىق ەكونوميكا ءمينيسترى اسەت ەرعالييەۆ.
ۇلتتىق ەكونوميكا مينيسترلىگىنىڭ باسشىسى اتاپ وتكەندەي، بيزنەسكە قويىلاتىن ارتىق جانە ءتيىمسىز تالاپتاردىڭ ءوسۋىن بولدىرماۋ ءۇشىن تالاپتاردى بەلگىلەۋ شارتتارى زاڭنامالىق تۇردە ايقىندالادى. «1 in 2 out» قاعيداتىن ەنگىزۋ مەملەكەت جاڭا تالاپتى ەنگىزگەن كەزدە قۇقىقتىق رەتتەۋدىڭ سول سالاسىندا قولدانىلاتىن ەكى تالاپتىڭ كۇشى جويىلاتىنىن بولجايدى.
بۇدان باسقا، نورماتيۆتىك-قۇقىقتىق اكتىلەر (نقا) مەن وزگە دە قۇجاتتار تۇرىندە بيزنەسكە ارنالعان بارلىق تالاپتاردىڭ تىزبەسىن قامتيتىن ءبىرىڭعاي اقپاراتتىق رەسۋرس بولاتىن مىندەتتى تالاپتار ءتىزىلىمى جاسالادى. تىزىلىمدە نقا-نىڭ جاڭا رەتتەۋشىلىك ساياساتقا سايكەستىگىن قاراۋ مەرزىمدەرى ايقىندالادى. سايكەس كەلمەگەن جاعدايدا قۇقىقتىق اكتىلەر قايتا قارالادى نەمەسە جويىلادى.
ءا.ەرعالييەۆتىڭ ايتۋىنشا، اۆتوماتتاندىرىلۋ ەنگىزىلمەگەن جانە قامتاماسىز ەتىلمەگەن ەسەپتىلىكتى ۇسىنۋدى تالاپ ەتۋگە تىيىم سالۋ زاڭ جۇزىندە بەكىتىلەدى. ناتيجەسىندە، ەگەر مەملەكەتتىك ورگان ەسەپتىلىكتى بالامالى تۇردە – ەلەكتروندىق تۇردە بەرۋ مۇمكىندىگىن جاساماعان بولسا، وندا ونى قاعاز تۇرىندە بەرۋدى دە تالاپ ەتە المايدى.
زاڭ جوباسىندا مەملەكەتتىك باقىلاۋ جانە قاداعالاۋ جۇيەسىن رەفورمالاۋ ەنگىزىلگەن. مەملەكەتتىك باقىلاۋدىڭ جاڭا نىسانى تەكسەرۋدەن پروفيلاكتيكالىق ءىس-شارالارعا كوشۋدى كوزدەيدى.
جوبادا سونداي-اق ىشكى ىستەر ورگاندارىن حالىقتىڭ كوشى-قونى سالاسىنداعى ۆەدومستۆوارالىق ۇيلەستىرۋگە بايلانىستى فۋنكسيالارىن ەڭبەك جانە حالىقتى الەۋمەتتىك قورعاۋ مينيسترلىگىنە؛ قىلمىستىق-اتقارۋ مەكەمەلەرىندە ۇستالاتىن ادامداردى مەديسينالىق قامتاماسىز ەتۋ جونىندەگى فۋنكسيالار مەن وكىلەتتىكتەردى دەنساۋلىق ساقتاۋ مينيسترلىگىنە؛ پروباسيا قىزمەتىنىڭ ەسەبىندە تۇرعان ادامدارعا الەۋمەتتىك-قۇقىقتىق كومەك كورسەتۋ جونىندەگى فۋنكسيالاردى جەرگىلىكتى اتقارۋشى ورگاندارعا بەرۋ ارقىلى بەيىندى ەمەس فۋنكسيالاردان بوساتۋ كوزدەلەدى.
«كاسىپكەرلىك قىزمەتتى رەتتەۋدىڭ جاڭا تاسىلدەرىن ىسكە اسىرۋ بيزنەسكە جۇكتەمەنى تۇبەگەيلى ازايتۋعا مۇمكىندىك، جاڭا ەكونوميكالىق شىندىق جاعدايىندا ىسكەرلىك بەلسەندىلىكتى ىسكە اسىرۋعا سەرپىن بەرەدى»، - دەدى مينيستر.