بالانىڭ ۇيىنەن نە سەبەپتى كەتكەنى انىقتالۋدا
17 قاڭتاردا 102 جەدەل ارناسىنا 39 جاستاعى جەرگىلىكتى تۇرعىننىڭ 13 جاسار ۇلىن ىزدەۋگە كومەك سۇراعان قوڭىراۋى كەلىپ تۇسەدى. ونىڭ ايتۋىنشا، بالا ۇيدەن ساعات 07:40-تا مەكتەپكە قاراي جول تارتقان، دەپ حابارلايدى Almaty-akshamy.kz.
دابىل سيگنالى بويىنشا اباي وبلىسى پوليسيا دەپارتامەنتىنىڭ قۇرىلىمدىق بولىمشەلەرىنىڭ بارلىق جەكە قۇرامى كوتەرىلدى.
ءتارتىپ ساقشىلارى كەز كەلگەن اقپاراتتى ءبىلۋى مۇمكىن تانىستارى مەن كۋاگەرلەرىنەن جاۋاپ الىپ، ىرگەلەس اۋماقتاردى مۇقيات زەرتتەدى. ءار اۋماققا ءبولىنىپ، ءار اۋلاعا ءتىنتۋ جۇرگىزدى.
ىزدەۋ بارىسىندا پوليسيا قىزمەتكەرى جوعالىپ كەتكەن كامەلەتكە تولماعان بالانى ميچۋرين كوشەسىنەن تاۋىپ، جەتكىنشەكتى اناسىنا تاپسىردى.
ونىڭ ۇيىنەن كەتۋ سەبەبى انىقتالۋدا.