اۆتوبۋستا بولعان بارلىق ادامعا مەديسينالىق كومەك كورسەتىلدى
الاكول-سەمەي تاسجولىندا جولاۋشىلار مىنگەن اۆتوبۋس اۋدارىلدى. جۇرگىزۋشى اۋرۋحاناعا ءتۇستى، دەپ حابارلايدى Almaty-akshamy.kz. Baq.kz-سىلتەمە جاساپ.
بۇل اقپاراتتى شىعىس قازاقستان وبلىسى پوليسيا دەپارتامەنتىنىڭ باسپا ءسوز قىزمەتى راستادى. اپات 19 ماۋسىمدا تاڭعى ساعات 4:50 شاماسىندا بولعان.
سەمەيدىڭ جارما اۋدانىندا Setra-S ماركالى رەيستىك اۆتوبۋسىنىڭ (الاكول-سەمەي) 56 جاستاعى جۇرگىزۋشىسى رولگە يە بولا الماي، تراسسادان شىعىپ كەتتى. ونىڭ سالدارىنان الونداعى 13 جولاۋشى مەن ەكىنشى جۇرگىزۋشى زارداپ شەكتى.
«اۆتوبۋستا بولعان بارلىق ادامعا مەديسينالىق كومەك كورسەتىلدى، ال كولىك جۇرگىزۋشىسى اۋرۋحاناعا جاتقىزىلدى»، - دەلىنگەن دەپارتامەنت حابارلاماسىندا.
قۇقىق قورعاۋ ورگاندارى سوتقا دەيىنگى تەرگەۋدى قىلمىستىق كودەكستىڭ 345-بابى، 2-بولىگى بويىنشا باستادى.
قازىرگى ۋاقىتتا سوتقا دەيىنگى تەرگەۋ جۇرگىزىلىپ جاتىر، ءبىرقاتار سوت ساراپتاماسى تاعايىندالدى.