سەيسەنبىدە ەلدىڭ باسىم بولىگىندە جاۋىن-شاشىندى اۋا رايى كۇتىلەدى

19 ساۋىرگە ارنالعان اۋا رايى بولجامى

بۇگىن اتموسفەرالىق فرونتالدى بولىكتەردىڭ وتۋىمەن قازاقستاننىڭ باسىم بولىگىندە جاڭبىر تۇرىندە جاۋىن-شاشىن كۇتىلەدى. ەلىمىزدىڭ وڭتۇستىگىندە نايزاعاي، داۋىل، شاڭدى داۋىل بولجانادى. رەسپۋبليكانىڭ باتىس اۋداندارىندا جاۋىن-شاشىنسىز اۋا رايى بولادى. بارلىق وڭىردە جەل كۇشەيەدى دەپ بولجانۋدا، دەپ حابارلايدى Almaty-akshamy.kz "قازگيدرومەتكە" سىلتەمە جاساپ. 

تۇركىستان وبلىسىنىڭ باتىسىندا، وڭتۇستىگىندە، تاۋلى اۋداندارىندا نايزاعاي، داۋىل، سولتۇستىگى مەن باتىسىندا شاڭدى داۋىل كۇتىلەدى. ءوڭىردىڭ سولتۇستىگىندە، باتىسىندا، تاۋلى اۋداندارىندا جەل 15-20 م/س كۇشەيەدى.

قىزىلوردا وبلىسىنىڭ ورتالىعىندا جەل 15-20 م/س كۇشەيەدى.

جامبىل وبلىسىنىڭ تاۋلى اۋداندارىندا نايزاعاي ويناپ، كۇندىز سولتۇستىك-شىعىستا، تاۋلى اۋدانداردا جەل 15-20 م/س ارتادى.

شىعىس قازاقستان وبلىسىنىڭ وڭتۇستىگىندە، سولتۇستىگىندە، باتىسىندا جەلدىڭ ەكپىنى 25 م/س كۇشەيەدى.

قاراعاندى وبلىسىنىڭ وڭتۇستىگىندە، شىعىسىندا 15-20 م/س جەل تۇرادى. كۇندىز وبلىستىڭ وڭتۇستىك-شىعىسىندا جەلدىڭ ەكپىنى 23 م/س دەيىن كۇشەيەدى.

پاۆلودار وبلىسىنىڭ وڭتۇستىگىندە جەلدىڭ جىلدامدىعى 18 م/س ارتادى.

اتىراۋ، باتىس قازاقستان، سولتۇستىك قازاقستان وبلىستارىنىڭ باتىسىندا، ماڭعىستاۋ وبلىسىنىڭ باتىسىندا، ورتالىعىندا، اقمولا، قوستاناي وبلىستارىنىڭ تۇندە وڭتۇستىك-شىعىسىندا، كۇندىز سولتۇستىك-باتىسىندا، سولتۇستىگىندە جەل 15-20 م/س دەيىن كۇشەيەدى.

كۇندىز الماتى وبلىسىنىڭ تاۋلى اۋداندارىندا نايزاعاي ويناپ، جەلدىڭ جىلداملىعى 17-22 م/س دەيىن ارتادى. الاكول كولدەرىنىڭ اۋدانىندا ەكپىنى 25 م/س كۇشەيەدى.

سونداي-اق باتىس قازاقستان، سولتۇستىك قازاقستان وبلىستارىنىڭ وڭتۇستىگىندە، اقتوبە وبلىسىنىڭ سولتۇستىگىندە، ورتالىعىندا، پاۆلودار وبلىسىنىڭ ورتالىعىندا وتە جوعارى ءورت ءقاۋپى ساقتالادى.