پاراليمپياداشىلارىمىزدىڭ قورجىنى تاعى ءبىر التىنمەن تولىقتى، دەپ حابارلايدى aqshamnews.kz تۋريزم جانە سپورت مينيسترلىگىنە سىلتەمە جاساپ.
پارا دزيۋدو
48 كگ سالماق دارەجەسىندە (J2 ساناتى) بەلدەسكەن اقمارال ناۋاتبەك پاريج پاراليمپياداسىنىڭ جەڭىمپازى اتاندى. فينالدا ول فرانسيا وكىلى ساندرينا مارتينەدەن باسىم ءتۇسىپ، التىن جۇلدەگە قول جەتكىزدى.
57 كگ سالماق دارەجەسىندە ونەر كورسەتەتىن الفيا تىلەكقابىل جۇبانىش بەلدەسۋىندە جەڭىلىپ قالدى.
پارا ءجۇزۋ
نۇرداۋلەت جۇماعالي پاريج پاراليمپياداسىنىڭ فينالىندا SB13 ساناتىندا 100 مەترگە براسس ادىسىمەن جۇزۋدەن ب ا ق سىناپ، كۇمىس مەدال جەڭىپ الدى. وعان قوسا نۇرداۋلەت ءوز ساناتىندا جاڭا پاراليمپيادا رەكوردىن ورناتتى.
ءامىر مۇراتبەكوۆ 100 مەترگە براسس ادىسىمەن (SB11 ساناتىندا) ءجۇزۋدىڭ فينالىنا قاتىسىپ، جۇلدەلى ورىنعا جەتە المادى.
پارا پاۋەرليفتينگ
59 كگ سالماقتا ب ا ق سىناعان ستانيسلاۆ شاكييەۆ 178 كيلومەن 7-ورىنعا تۇراقتادى.
پارا جەڭىل اتلەتيكا
يادرو لاقتىرۋدان فينالدا ونەر كورسەتكەن ەلامان جولامان جارىستى 7-ورىنمەن اياقتادى.
پاراليمپيادانىڭ سەگىزىنشى جارىس كۇنىنەن كەيىن قازاقستان قۇراماسىنىڭ قورجىنىندا 2 التىن، 2 كۇمىس، 1 قولا جۇلدە بار.