قابىلدانعان شارالار حقكو-دا جسن الۋشىلار كەزەگىن ازايتادى.
قازاقستانعا شەتەلدىكتەردىڭ كوپ كەلۋىنە بايلانىستى ءبىر قاتار وڭىرلەردەگى حقكو جۇمىسى كۇشەيتىلدى، دەپ حابارلايدى Almaty-akshamy.kz Baq.kz سىلتەمە جاساپ.
«شەتەلدىكتەردىڭ حقكو-لارعا جاپپاي كەلۋىنە بايلانىستى، «ازاماتتارعا ارنالعان ۇكىمەت» مەملەكەتتىك كورپوراسياسى ولاردى استانا جانە الماتى قالالارىندا، سونداي-اق قوستاناي، باتىس قازاقستان، سولتۇستىك قازاقستان، پاۆلودار جانە الماتى وبلىستارىنداعى ارنايى كۇشەيتىلگەن حقكو-لاردا قابىلداۋ تۋرالى شەشىم شىعاردى»،- دەلىنگەن حابارلامادا.
قابىلدانعان شارالار حقكو-دا جسن الۋشىلار كەزەگىن ازايتادى. ەندى قوناقتار سەگىز وبلىستاعى ارنايى كۇشەيتىلگەن حقو-عا بارىپ، وزدەرىنە قاجەتتى قىزمەتتى مىنا مەكەنجايلار بويىنشا الا الادى:
• الماتى ق.، جەتىسۋ اۋدانى، قۇلاگەر ش/ا، سەرىكوۆ ك-سى، 6ا؛
• استانا ق.، ساۋران ك-سى، 7؛
• پاۆلودار ق.، پاۆلوۆ ك-سى، 48؛
• ورال قالاسى، جامبىل كوشەسى، 81/2؛
• قوستاناي ق.، گاشەك ك-سى، 14؛
• پەتروپاۆل ق.، اۋەزوۆ ك-سى، 157؛
• كوكشەتاۋ ق.، اۋەزوۆ ك-سى، 189ا؛
• اقتوبە ق.، ساڭقىباي باتىر داڭع.، 249.
جسن الۋ ءۇشىن شەتەلدىكتەردەن جەكە باسىن كۋالاندىراتىن قۇجات تالاپ ەتىلەدى. ال كورسەتىلەتىن قىزمەتتى الۋشىنىڭ رەسمي وكىلى جۇگىنگەن جاعدايدا، نوتاريالدى كۋالاندىرىلعان سەنىمحات جانە ءوتىنىشى قاجەت بولادى.
شەتەلدىكتەر ءۇشىن جسن كۋالىگىن بەرۋ مەرزىمى – 1 جۇمىس كۇنى. قازاقستاندا جسن الۋ بارلىعىنا تەگىن ەكەنىن ەسكە سالامىز.
قالعان حقو-لار شتاتتىق رەجيمدە دۇيسەنبى-جۇما ارالىعىندا 9:00-دەن 18:00-گە دەيىن، ال كەزەكشى حقو-لار سەنبىدە 9:00-دەن 13:00-گە دەيىن جۇمىس ىستەيتىنىن حابارلايمىز. قوناقتار
«ءموبيلدى حقكو» قوسىمشاسى، eGov mobile، EgovKzBot2.0 تەلەگرام-بوتى، eGov ەلەكتروندى ۇكىمەت پورتالى جانە 1414 ءبىرىڭعاي بايلانىس ورتالىعى ارقىلى حقكو-عا كەزەككە تۇرۋ ءۇشىن الدىن الا تاپسىرىس بەرە الادى.
مەملەكەتتىك كورپوراسيا بولىپ جاتقان جاعدايلاردى رەتكە كەلتىرۋ ءۇشىن بارلىق مۇمكىندىكتى قاراستىرىپ جاتىر. وسى رەتتە كليەنتتەردى تۇسىنىكپەن قاراۋعا شاقىرامىز.