بالالارعا وزدەرى ارمانداعان ءتۇرلى جاڭا جىلدىق سىيلىقتار تابىستالادى
ەلوردادا كوپتەن كۇتكەن «ساز سيقىرى» قايىرىمدىلىق فەستيۆالى ءوتتى، دەپ حابارلايدى Almaty-akshamy.kz.
جوبا اياسىندا اۋىلدى ەلدىمەكەندەردە ورنالاسقان بالالار ۇيلەرىنە كومەك كورسەتىلەدى. سونداي-اق بالالارعا وزدەرى ارمانداعان ءتۇرلى جاڭا جىلدىق سىيلىقتار تابىستالادى. ولاردىڭ قاتارىندا ۆەلوسيپەد، سكەيت، ساموكات، تەلەفوندار مەن پلانشەتتەر ت.ب. بار. جىل سايىن جاڭا جىل مەيرامى قارساڭىندا وتكىزىلەتىن «ساز سيقىرى» فەستيۆالى اياسىندا بۇلدىرشىندەر مەيىرىم مەن قامقورلىق سەزىمىنە بولەنىپ، مەرەكەلىك اتموسفەرانى سەزىنەدى.
بيىل «ساز سيقىرى» جوباسى اياسىندا كەلەسى ۇيىمدارعا كومەك كورسەتىلەدى:
1.وتباسى ۇلگىسىندەگى بالالار اۋىلى (كەنجەكول اۋىلى، پاۆلودار وبل.)
2. قيىن جاعدايدا قالعان بالالارعا قولداۋ كورسەتۋ ورتالىعى (تاراز قالاسى)
3.وتباسى ۇلگىسىندەگى بالالار اۋىلى مەن جاسوسپىرىمدەر ءۇيى (گەولوگ اۋىلى، اتىراۋ وبل.)
4. «تاڭشولپان» بالالار ءۇيى (پريشاحتينسك اۋىلى، قاراعاندى وبل.).
جينالعان قاراجاتقا جوعارىدا كورسەتىلگەن بالالار مەكەمەلەرىندەگى ويىن بولمەلەرى مەن وقۋ شەبەرحانالارىنا ارنالعان زاماناۋي قۇرال-جابدىقتار، سونداي-اق وڭالتۋ جابدىقتارى ساتىپ الىنادى.
فەستيۆالدىڭ ۇيىمداستىرۋشىسى – «دەگدار» گۋمانيتارلىق قورى.
«ساز سيقىرى» جوباسى بيىل 4-رەت وتۋدە. جوبا اياسىندا ءبىز جىل سايىن 4 بالالار ۇيىنە كومەك كورسەتەمىز. ءقازىر جوبا تاريحى ەلىمىزدىڭ تۇكپىر-تۇكپىرىندە ورنالاسقان 12 بالالار ءۇيىن قامتيدى. جوبا بالالار ۇيىنە قاجەتتى مەديسينالىق جانە وقىتۋ جابدىقتارىن ساتىپ الۋدى، سونداي-اق ءار بالاعا سىيلىق بەرۋدى كوزدەيدى. «ساز سيقىرى» جوباسى – بۇل بالالارعا ۇمىتىلماس ەموسيا مەن مەرەكەلىك كوڭىل-كۇي سىيلايتىن ناعىز سيقىرشىلاردىڭ جوباسى. ەلىمىزدىڭ ءاربىر ازاماتى وسى جوباعا قاتىسۋ ارقىلى اتا-اناسىنىڭ قامقورلىعىنسىز قالعان بۇلدىرشىندەرگە قولداۋ كورسەتەتىن سيقىرشى بولا الادى»،- دەيدى «دەگدار» قورىنىڭ ديرەكتورى لاۋرا احمەتوۆا.
بالالار ءۇيىنىڭ وكىلدەرى دە ۇيىمداستىرۋشىلارعا ءوز العىستارىن ءبىلدىردى.
«ءبىزدىڭ تاربيەلەنۋشىلەرگە وسىنداي قامقورلىق كورسەتىپ، قولداۋ بىلدىرگەن «دەگدار» قورىنا زور العىسىمىزدى ايتامىز. بالالار وزدەرى كوپتەن بەرى ارمانداپ جۇرگەن سىيلىقتارىن الاتىن كۇندى اسىعا كۇتۋدە. بۇل ءبىزدىڭ بالالار ءۇشىن ۇلكەن قۋانىش، ەستەن كەتپەس ەستەلىك. سونداي-اق بۇگىنگى تاماشا مەرەكەلىك كونسەرت ءۇشىن دە العىسىمىز زور»،- دەپ جەتكىزدى اتىراۋ وبلىسىنىڭ گەولوگ اۋىلىندا ورنالاسقان «وتباسى ۇلگىسىندەگى بالالار اۋىلى مەن جاسوسپىرىمدەر ءۇيىنىڭ» ديرەكتورى گۇلسارا بوتاتايەۆا.
ىزگىلىك پەن مەيىرىم شۋاعىنا تولى قايىرىمدىلىق فەستيۆالىنىڭ شاراپاتىن بالالار ءۇيىنىڭ تاربيەلەنۋشىلەرىمەن بىرگە ەلوردالىق كورەرمەندەر دە سەزىنە الدى. باس قالانىڭ تۇرعىندارى مەن قوناقتارى تاڭعاجايىپ اۋەندەرگە تولى مۋزىكا الەمىنە ساياحات جاسادى. فەستيۆال اياسىندا «قازاقستان» ورتالىق كونسەرت زالىندا وتكەن «روجدەستۆو اۋەندەرى» قايىرىلىمدىلىق كونسەرتى كورەرمەننىڭ زور ىقىلاسىنا بولەندى. كونسەرتكە وتاندىق كلاسسيكالىق ونەردىڭ مايتالماندارى سالتانات احمەتوۆا، دامير سادۋاحاسوۆ، ASTANA OPERA حالىقارالىق وپەرا اكادەمياسىنىڭ ءبىلىم الۋشىلارى قاتىستى. «استانا وپەرا» تەاترىنىڭ سيمفونيالىق وركەسترىنىڭ سۇيەمەلدەۋىمەن وتكەن كونسەرتتىڭ ديريجەرى – كونستانتين حۆاتىنەس (رەسەي). ساحنادا بەلگىلى وپەرالار مەن وپەرەتتالاردىڭ اريالارى ورىندالدى. كورەرمەندەر بۇل كونسەرتتى ادەتتەگىدەي تەگىن تاماشالاي الدى.
بۇعان قوسا، كونسەرتتىك زالدىڭ حوللىندا بالالار ءۇيىنىڭ تاربيەلەنۋشىلەرىنە ارنالعان قايىرىمدىلىق بوكستارى ورناتىلدى.
ۇيىمداستىرۋشىلار اتاپ وتكەندەي، 2017 جىلدان باستاۋ العان «ساز سيقىرى» فەستيۆالىن وتكىزۋ يگى داستۇرگە اينالدى. فەستيۆال اياسىندا 2017- 2020 جىلدار ارالىعىندا 121 854 812 تگ. جينالدى. بۇل قاراجاتقا الەۋمەتتىك قولداۋعا مۇقتاج بالالار ۇيلەرى ءۇشىن ويىن بولمەلەرى مەن وقۋ شەبەرحانالارىنا ارنالعان قۇرال-جابدىقتار، سونداي-اق وڭالتۋ جابدىقتارى ساتىپ الىندى. «ساز سيقىرى» فەستيۆالىنىڭ نەگىزىن قالاۋشى جانە يدەيالىق باستاۋشىسى – داريعا نازاربايەۆا. ول «دەگدار» قورىنىڭ قامقورلىق كەڭەسىن باسقارادى.