Cينوپتيكتەردىڭ بولجامى.
«قازگيدرومەت» ماماندارى ءساۋىر ايىندا وڭتۇستىكتە كۇن 35 گرادۋسقا دەيىن ىستىق بولاتىنىن بولجام وتىر، دەپ حابارلايدى Almaty-akshamy.kz.
ساۋىردە كۇننىڭ ۇزاقتىعى ارتىپ، ودان ءارى جىلۋدىڭ جينالۋى جۇزەگە اسادى. قازاقستاننىڭ سولتۇستىگىندە اۋانىڭ ورتاشا تاۋلىكتىك تەمپەراتۋراسىنىڭ 0° ارقىلى وڭ ماندەرگە تۇراقتى اۋىسۋى بايقالادى. ءساۋىر ايىندا اۋماقتىڭ كوپ بولىگىندە قار جامىلعىسى بۇزىلادى.
ءساۋىر ايىنىڭ باسىندا كوكتەم قازاقستاننىڭ سولتۇستىك ايماقتارىندا دا ءوز كۇشىنە ەنەدى: ايتارلىقتاي جىلى بولادى جانە جاۋىن-شاشىنسىز اۋا رايى كۇتىلەدى. ەلدىڭ باتىسىندا سيكلوننىڭ اسەرىمەن قارا تەڭىز اۋداندارىنان ەكپىندى جەل تۇرادى جانە جاڭبىر جاۋادى. ءبىرىنشى ونكۇندىكتىڭ ورتاسىنان باستاپ سيكلون شىعىس باعىتتا قوزعالا وتىرىپ، رەسپۋبليكانىڭ قالعان اۋماعىندا دا اۋا رايىنىڭ قۇبىلمالىعىنا الىپ كەلەدى. جاۋىن-شاشىن (جاڭبىر، قار) كوبىنەسە سولتۇستىك وڭىرلەردە، وڭتۇستىك وڭىرلەردە جاڭبىر، نايزاعاي كۇتىلەدى. ەلىمىزدىڭ باسىم بولىگىندە تۇمان، كوكتايعاق بولادى جانە جەلدىڭ ەكپىنى 15-20، جەكەلەگەن كۇندەرى 23-28 م/س-كە دەيىن كۇشەيەدى.
ءساۋىردىڭ ءبىرىنشى ونكۇندىگىنىڭ باسىندا اۋا تەمپەراتۋراسى جوعارىلايدى:
– رەسپۋبليكانىڭ باتىسىندا تۇندە +1+9°س-تان +3+12°س-قا، كۇندىز +7+15°س-تان +15+22°س-قا دەيىن؛
– سولتۇستىگىندە، سولتۇستىك-باتىسىندا، شىعىسىندا تۇندە -5+3°س-تان 0،+7°س-قا دەيىن، كۇندىز +2+10°س-تان +5+13°س-قا دەيىن؛
– ورتالىعىندا تۇندە 0،-5°س-تان +2+7°س-قا دەيىن، كۇندىز +6+11°س-تان +13+18°س-قا دەيىن.
ءساۋىردىڭ ءبىرىنشى ونكۇندىگىنىڭ ورتاسىندا انتيسيكلوننىڭ اسەرىمەن ەلىمىزدىڭ باتىسىندا، سولتۇستىك-باتىسىندا جانە سولتۇستىگىندە اۋا تەمپەراتۋراسىنىڭ ازداپ قىسقا مەرزىمدى تومەندەۋى كۇتىلۋدە. اۋا تەمپەراتۋراسى تۇندە -5+3°س-قا، كۇندىز +3+10°س-قا دەيىن تومەندەيدى.
الايدا رەسپۋبليكانىڭ وڭتۇستىك جانە وڭتۇستىك-شىعىس وڭىرلەرىندە ءبىرىنشى ونكۇندىك ىشىندە تۇنگى اۋا تەمپەراتۋراسىنىڭ تۇندە +8+13°س-قا دەيىن جوعارىلاۋى، ال كۇندىزگى اۋا تەمپەراتۋراسىنىڭ +15+23°س-تان +20+28°س-قا دەيىن اۋىتقۋى كۇتىلۋدە.
ءساۋىردىڭ ەكىنشى جانە ءۇشىنشى ونكۇندىكتەرىندە قازاقستان اۋماعىنا يران مەن ورتا ازيا اۋداندارىنان جىلى اۋا ماسسالارىنىڭ ءجيى ەنۋى جۇزەگە اسادى، ولار تەمپەراتۋرانىڭ جوعارى فونىن نەگىزدەيدى: ەلىمىزدىڭ سولتۇستىك جارتىسىندا كۇندىز +15+23°س، وڭتۇستىگىندە +28+35°س. ءبىراق بۇعان قاراماستان، نەگىزىنەن باتىس ايماقتاردا جانە ەلدىڭ سولتۇستىك جارتىسىندا اتموسفەرالىق فرونتتاردىڭ وتۋىمەن اۋا رايىنىڭ تۇراقسىز سيپاتى بولجانادى. جاۋىن-شاشىن (قارعا اۋىساتىن جاڭبىر) بوران، تۇمان، كوكتايعاق بولۋى مۇمكىن، جەل ەكپىنى 28 م/س-كە دەيىن جەتەدى، وڭتۇستىك جارتىسىندا جەكەلەگەن كۇندەرى جاۋىن-شاشىن كۇتىلەدى (نەگىزىنەن جاڭبىر تۇرىندە)، تاۋلى جانە تاۋ بوكتەرىندە اۋا تەمپەراتۋراسى تومەندەگەن كەزدە قار دا بولۋى مۇمكىن. نايزاعاي، بۇرشاق، شاڭدى داۋىل سياقتى قۇبىلىستار ءساۋىر ايىندا ءجيى كەزدەسەدى.
كوكتەمنىڭ ورتاسىندا اۋا تەمپەراتۋراسىنىڭ ايتارلىقتاي تومەندەۋى بولاتىن سۋىق كۇندەر بولۋى مۇمكىن. رەسپۋبليكانىڭ سولتۇستىك، ورتالىق جانە شىعىس وڭىرلەرىندە سۋىق اۋا ماسسالارىنىڭ ەنۋى كەزىندە تەرمومەتر باعاندارى تۇندە 0،-9°س-قا، كۇندىز +3+8°س-قا دەيىن، ەلدىڭ وڭتۇستىك جانە باتىس وڭىرلەرىندە تۇندە -5+7°س-قا، كۇندىز +10+15°س-قا دەيىن تومەندەۋى مۇمكىن.
ەسكەرتپە: ءبىر ايعا ارنالعان بولجامدى كونسۋلتاتيۆتىك بولجام رەتىندە پايدالانۋ كەرەك، ول كەيىننەن سينوپتيكالىق جاعدايدىڭ وزگەرۋىنە قاراي تۇزەتىلەدى جانە ونكۇندىككە ارنالعان اۋا رايى بولجامدارىمەن ناقتىلانادى.