جۋىردا دالاداعى بازارلاردىڭ بارلىعى جاڭارتىلادى. بۇگىن ماجىلىستەگى ۇكىمەت ساعاتىندا ساۋدا جانە ينتەگراسيا ءمينيسترى ارمان شاققالييەۆ وسىلاي دەدى، دەپ حابارلايدى اlmaty-akshamy.kz.
جوسپار بويىنشا 2025 جىلعا دەيىن ولاردىڭ بارلىعى ساۋدا ورتالىقتارىنا كوشىرىلەدى. سەبەبى دالاداعى ساۋدا ءورت قاۋىپسىزدىگى، سانيتارلىق تالاپتارعا، قالا قۇرىلىسىنىڭ ستاندارتتارىنا ساي كەلمەيدى. بۇگىندە ەل بويىنشا 722 ۋنيۆەرسالدى بازار بار.
ونىڭ باسىم بولىگى جابىق دۇكەندەرگە كوشىرىلگەن. الداعى ەكى جىلدا قالعان 74ء-ىن جاڭارتۋ جوسپارلانىپ وتىر. الايدا ساۋدانى جايلى جەرگە كوشىرۋ باعامەن كۇرەستى قيىنداتادى، دەپ جازادى qazaqstan.tv.
حالىق كوپ كەلەتىن، تاڭداۋ مول جەردە جالعا بەرۋ باعاسى قىمباتتايدى. سالدارىنان ساۋداگەرلەر تاۋارىنىڭ باعاسىن وسىرەدى.
ءوندىرۋشى مەن دۇكەننىڭ اراسىندا جۇرەتىن دەلدالدار دا قىمباتشىلىققا سەبەپكەر بولىپ وتىر.
"ءتيىمسىز دەلدالداردى جويۋ جانە ساۋدا زاڭناماسىنىڭ تالاپتارىن ساقتاۋ جونىندەگى وڭىرلىك كوميسسيالاردىڭ باقىلاۋ قىزمەتى قۇرىلدى. وڭىرلىك كوميسسيالاردىڭ جۇمىسى باقىلاۋ-فيسكالدىق ورگانداردى قوسۋ جولىمەن كۇشەيتىلدى. اعىمداعى جىلى 1،7 مىڭنان استام وتىرىس وتكىزىلدى، مىڭنان استام ءتيىمسىز دەلدالدار انىقتالدى، مىڭنان استام اكىمشىلىك ءىس قوزعالدى"، -دەدى ق ر ساۋدا جانە ينتەگراسيا ءمينيسترى ارمان شاققالييەۆ.