ۇكىم زاڭدى كۇشىنە ەنگەن جوق
جەتىسۋ وبلىسىنىڭ سارقان اۋدانىنداعى قوقىس ۇيىندىسىنەن ءولى تابىلعان بەس جاسار قىزدىڭ ىسىنە قاتىستى سوت ۇكىمى شىقتى. بۇل تۋرالى جەتىسۋ وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ باسپا ءسوز قىزمەتى ءمالىم ەتتى، دەپ حابارلايدى Almaty-akshamy.kz.
سوتتىڭ مالىمەتىنشە، مارقۇم قىزدى شەشەسى مەن ونىڭ تۋىسقان اعاسى قالانىڭ سىرتىندا ورنالاسقان كىرپىش زاۋىتىنىڭ جانىنداعى پوليگونعا الىپ كەلىپ، الدىن الا ءسوز بايلاسقانداي، بالانى ءولتىرىپ، سودان كەيىن دەنەنى جاسىرعان.
«سوتتالۋشىلار كىناسىن تولىق مويىنداعاندىقتان جانە سوتتالۋشىنىڭ تاربيەسىندە جاس بالا بولعاندىقتان، پروكۋرور ولاردى ق ر قىلمىستىق كودەكستىڭ 99-بابىنىڭ 3-بولىگى بويىنشا كىنالى دەپ تانۋدى جانە وسى باپتىڭ نەگىزىندە 15 جىل مەرزىمگە باس بوستاندىعىنان ايىرۋ جازاسىن تاعايىنداۋدى سۇرادى"، - دەلىنگەن سوتتىڭ حابارلاماسىندا.
سوت وتىرىسىنىڭ قورىتىندىسى بويىنشا سۋديا ەكەۋىن دە كىنالى دەپ تانىپ، ولارعا 15 جىلعا باس بوستاندىعىنان ايىرۋ جازاسىن تاعايىندادى.
ۇكىم زاڭدى كۇشىنە ەنگەن جوق.
ايتا كەتەيىك، 17 مامىردا سارقاندا قالا ماڭىنداعى قوقىس پوليگونىنان 4-5 جاس ارالىعىنداعى قىزدىڭ دەنەسى تابىلدى. بىرنەشە ادام كىسى ءولتىرۋ كۇدىگىمەن قاماۋعا الىندى. اناسىنىڭ ايتۋىنشا، قىز سەرەبرالدى سال اۋرۋىمەن اۋىرعان، سونداي-اق تۋا بىتكەن اقىل-وي كەمىستىگى دە بار.