ولار قاتاڭ شەكتەۋلەردىڭ قاجەتى جوق دەپ سەندىردى.
Pfizer كومپانياسىنىڭ باس ديرەكتورى البەرت بۋرلا الەمگە كوروناۆيرۋستىق پاندەميانىڭ جاڭا تولقىنى بولاتىنى تۋرالى ەسكەرتكەرتتى. ونىڭ ايتۋىنشا، ءقازىردىڭ وزىندە ينفەكسيا الەمنىڭ ءتۇرلى ايماقتارىنا تارالا باستادى، دەپ حابارلايدى Almaty-akshamy.kz COVID-19 تارالۋىنا جول بەرمەۋ جونىندەگى ۆاك-عا سىلتەمە جاساپ.
«بۋرلا ازىرلەنگەن پرەپاراتتار اۋرۋدىڭ ءقاۋپىن ازايتاتىندىقتان، قازىرگى ۋاقىتتا قاتاڭ شەكتەۋلەردىڭ قاجەتى جوق دەپ سەندىردى. ول الەمدە ەكپە العان ادامداردىڭ ۇلەسى وتە جوعارى ەكەنىن، دارىگەرلەر اۋرۋدىڭ اۋىر اعىمىنىڭ ىقتيمالدىعىن ەداۋىر تومەندەتەتىن ەمدەۋ ادىستەرىن ازىرلەپ شىققانىن اتاپ ءوتتى»،- دەلىنگەن حابارلامادا.
دجونس حوپكينس امەريكا ۋنيۆەرسيتەتىنىڭ مالىمەتتەرى بويىنشا، الەمدە كوروناۆيرۋستىق ينفەكسيانىڭ تىركەلگەن جاعدايلارىنىڭ سانى 548 ميلليون 828 مىڭعا جەتتى.
ۆيرۋستىڭ الەمدە تارالۋى باستالعاننان بەرى COVID-19 ينفەكسياسىن جۇقتىرۋ سالدارىنان 6 ميلليون 338 519 ادام قايتىس بولدى.
20 ميلليوننان استام ينفەكسيانى جۇقتىرۋ جاعدايى بار ەلدەر قاتارىنا اقش، ءۇندىستان، برازيليا، فرانسيا، گەرمانيا جانە ۇلىبريتانيا كىرەدى.