الەمنىڭ كوپتەگەن ەلدەرىندە تۋبەركۋلەز، اسىرەسە، كوپتەگەن دارىگە ءتوزىمدى تۋبەركۋلەز ءقاۋىپتى اۋرۋ بولىپ قالا بەرەدى. ەشكىم اۋرۋدان، ونىڭ ىشىندە ءومىر ءسۇرۋ ستاندارتتارى جوعارى جانە ساپالى مەديسيناسى بار گۇلدەنگەن مەملەكەتتەردىڭ تۇرعىندارى دا ساقتاندىرىلماعان.
بۇل تۋرالى وكق بريفينگى بارىسىندا «تۋبەركۋلەز» كومپونەنتى بويىنشا جاھاندىق قور جوباسىن ىسكە اسىرۋ توبىنىڭ مەنەدجەرى شاحيمۋرات يسمايلوۆ مالىمدەدى، دەپ حابارلايدى اlmaty-akshamy.kz.
«باستى مىندەت – تۋبەركۋلەزدىڭ ۇكىم ەمەس ەكەنىن ءتۇسىندىرۋ»، - دەيدى ساراپشى.
ونىڭ ايتۋىنشا، جەدەل دياگنوستيكاعا، ەمدەۋگە ارنالعان جاڭا سحەمالار مەن پرەپاراتتارعا جاڭا تاسىلدەر ءساتتى قولدانىلۋدا، تۋبەركۋلەزدىڭ الدىن الۋدىڭ زاماناۋي ءتيىمدى تەحنولوگيالارىنا قولجەتىمدىلىك جاقساردى.
ددسۇ-نىڭ ەۋروپالىق وڭىرلىك بيۋروسى تۋبەركۋلەرزە قارسى كۇرەستە قاجەتتى كاپيتال سالىمدارىن قامتاماسىز ەتۋگە، ددسۇ-نىڭ سوڭعى ۇسىنىمدارىن ورىنداۋعا، يننوۆاسيالىق تاسىلدەردى ەنگىزۋگە جانە ازاماتتىق قوعام ۇيىمدارىمەن بەلسەندى ءوزارا ءىس-قيمىل جاساۋعا شاقىرادى.
قازاقستاننىڭ ۇلتتىق تۋبەركۋلەزگە قارسى باعدارلاماسى مىناداي مىندەتتەردى ىسكە اسىرادى:
- مولەكۋلا-گەنەتيكالىق ادىستەردى پايدالانا وتىرىپ، تۋبەركۋلەزدى تەز انىقتاۋ بويىنشا شارالاردى جانداندىرۋ؛
- تۋبەركۋلەزدى، ونىڭ ىشىندە دارىگە ءتوزىمدى تۋبەركۋلەزدى ەمدەۋدىڭ جوعارى ءتيىمدى جانە ءقاۋىپسىز قىسقا رەجيمدەرىن جالپىلاما ەنگىزۋ؛
- تاۋەكەل توپتارىنا باسا نازار اۋدارا وتىرىپ، تۋبەركۋلەز ينفەكسياسىن پروفيلاكتيكالىق ەمدەۋدىڭ زاماناۋي تاسىلدەرىن قامتاماسىز ەتۋ.
ش. يسمايلوۆتىڭ پىكىرىنشە، تۋبەركۋلەزدى زاماناۋي ەمدەۋدە پاسيەنتتەر بۇگىندە ينەكسياسىز جانە اۋرۋحاناعا جاتقىزۋدىڭ ەڭ از قاجەتتىلىگىمەن تانىس ءومىر سۇرۋگە مۇمكىندىك الادى.