جول جاۋاپكەرشىلىكتى قاجەت ەتەدى.
وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسىندا قالا قۇرىلىسىن باقىلاۋ باسقارماسى باسشىسىنىڭ ورىنباسارى ولجاس تولەبايەۆ جول سالۋدى ساپاسىز جۇرگىزەتىندەر تۋرالى ايتتى. ولار ليسەنزيادان ايىرىلىپ، «قارا تىزىمگە» ەنگەن، دەپ حابارلايدى Almaty-akshamy.kz.
و.تولەبايەۆ الماتى اكىمى باقىتجان ساعىنتايەۆتىڭ جول جوندەۋ ساپاسىنا باقىلاۋدى كۇشەيتۋ تۋرالى تاپسىرماسى اياسىندا جۇمىستارىن جاۋاپسىز اتقارعان جول كومپانيالارىنىڭ ليسەنزيالارىنان ايرىلعانىن ايتتى.
«جولداردى ساپاسىز سالعانى جانە رەكونسترۋكسيالاعانى ءۇشىن ق ر اكىمشىلىك كودەكسىنىڭ 312-بابى 2-بولىگى بويىنشا ليسەنزيانى قايتارىپ ال ءۇشىن «الماتىدورستروي» ج ش س، «ەسىك جولدارى» ج ش س جانە «دسۋ» ج ش س قاتىستى ماتەريالدار مامانداندىرىلعان اۋدانارالىق اكىمشىلىك سوتتارىنا جىبەرىلدى»، - دەدى قالا قۇرىلىسىن باقىلاۋ باسقارماسى باسشىسىنىڭ ورىنباسارى.
ينجەنەرلىك جەلىلەر سالىنعاننان كەيىن جولداردى قالپىنا كەلتىرۋدى ساپاسىز جۇرگىزگەندەرى ءۇشىن سوتتىڭ قاۋلىسى بويىنشا «مونوليت ديزاين 2030» ج ش س، «اگس پلاست» ج ش س، «سۇڭقار» ج ش س ليسەنزيالارىنان ايرىلدى، «باديمۋس ستروي» ج ش س، «EIS Corporation» ج ش س ليسەنزيالارى قارالۋ ۇستىندە. «سيگما» جشس-نە قاتىستى ماتەريال سوتتىڭ قاراۋىندا.
سونىمەن قاتار «پمك-7ك» ج ش س سوت شەشىمىمەن تەننيس ورتالىعىن ساپاسىز سالعانى ءۇشىن ليسەنزياسىنان ايىرىلدى.