جەكە ستيليستتەر مارگارەت ستوۋن مەن ەببي يانگ ساننەن كەتكەن اياق كيىم ۇلگىلەرىن اتاپ بەردى.
ءتيىستى ماتەريال Business Insider باسىلىمىنىڭ سايتىندا پايدا بولدى، دەپ حابارلايدى Almaty-akshamy.kz
اسكەري ستيلدەگى باتەڭكە، سۇيرەتپەلەر جانە ءسۇيىر تۇمسىق (لودوچكا) تۋفليلەر دە وزەكتىلىگىن جويادى.
سۋرەت: Shedevrum.ai
ونىڭ ورنىنا بالاما نۇسقالارعا نازار اۋدارعان ءجون، مىسالى، وتكىر تۇمسىقتى ەتىك، ارت جاعى جوق ۇيگە كيەتىن تاپىشكە تارىزدەس ميۋلي (باستاپقىدا ميۋلي ۇيگە ارنالعان اياق كيىم ەدى، ءبىراق ونى كەيىننەن كوشەگە كيىپ شىعاتىن بولعان) جانە لوفەرلەر.
Cۋرەت: Sumochka.com
سونىمەن قاتار، ماماندار تابانى قالىڭ كروسسوۆكالار مەن توقىما ساندالداردان باس تارتۋعا شاقىردى.
Cۋرەت: global.wildberries.ru
«گاردەروبتى كلاسسيكالىق ۇلگىدەگى بالەتكا مەن تابانى جۇقا ءارى تومەن كەلگەن كروسسوۆكالار ءۇشىن بوساتىڭىز»، — دەپ كەڭەس بەردى ستوۋن.
سوڭىندا ستيليست باسى ءتورتبۇرىشتىلاۋ بولىپ كەلەتىن اياق كيىم ۇلگىسىنە دە توقتالدى.
سۋرەت: Milota.top
«Bottega برەندىنىڭ تانىمالدىلىعىن ارتتىرعان باسى ءتورتبۇرىشتى بولىپ كەلگەن اياق كيىمدەر 2021 جىلدىڭ سيمۆولنا اينالدى. قازىرگى ۋاقىتتا ولاردى ۇشكىر نەمەسە باسى دوڭگەلەك كەلگەن مودەلدەرمەن اۋىستىرعان دۇرىس»، — دەپ ءتۇسىندىردى يانگ.
تاعى ءبىر ستيليست اننا سكوروحودوۆا 50 جاستان اسقان ايەلدەرگە موكاسيندەر مەن بيىك وكشەلى اياق كيىمدەر ونشا جاراسپايتىنىن، ونىڭ ورنىنا بازالىق رەڭكتەردەگى لوفەرلەر مەن ءسۇيىر تۇمسىقتىعا اۋىستىرۋ كەرەكتىگىن ايتقان بولاتىن.
دەيتۇرعانمەن، ستيليستەر ۇسىنعان كەڭەستەرگە قۇلاق اسا وتىرىپ، اركىم ءوزىنىڭ تالعامى مەن جاراسقانىنا قاراي العان ءجون بولار، باستىسى، اياق كيىمنىڭ جايلىلىعىنا، ءبۇتىن ەكەنىنە،سودان سوڭ بارىپ ءسان جاعىنا قاراعان دۇرىس شىعار.
ايتپەسە «اياق كيىمىڭ تار بولسا، دۇنيەنىڭ كەڭدىگىنەن نە پايدا؟!»