كقك تىيىمعا كىرمەيدى.
رەسەيگە سالىنىپ جاتقان سانكسيالاردىڭ كاسپيي قۇبىر كونسورسيۋمى ارقىلى ەكسپورتتالاتىن باسقا ەلدەردىڭ مۇنايىنا قاتىسى جوق. امەريكا قۇراما شتاتتارى قارجى مينيسترلىگى وسىنداي مالىمەت تاراتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«كاسپيي قۇبىر كونسورسيۋمى سياقتى تاراتۋ جۇيەلەرى شيكى مۇنايدى ءتۇرلى كوزدەرگە ءبولىپ تاراتا الادى. ياعني، رەسەيدەن تىس وندىرىلگەن شيكى مۇناي جەكە ساتىلىپ، تيەلۋى كەرەك. 8 ناۋرىزداعى اقش-قا بەلگىلى ءبىر تاۋارلارلاردى يمپورتتاۋعا سالىنعان تىيىم رەسەي فەدەراسياسىندا وندىرىلگەندەرگە عانا قاتىستى. ياعني، رەسەيدەن تىس وندىرىلگەن تاۋارلار ءتىپتى ترانزيت بويىنشا رەسەي فەدەراسياسىنىڭ اۋماعى ارقىلى تاسىمالدانعان كۇننىڭ وزىندە نەمەسە رەسەيدەن تاسىمالدانعان كۇننىڭ وزىندە بۇل تىيىمعا كىرمەيدى»، - دەپ جازىلعان اقش قارجى مينيسترلىگىنىڭ سارسەنبىدەگى مالىمدەمەسىندە.