ول ءوز پارتياسىنىڭ اتىن «نامىس» دەپ قويعان.
اقپاننىڭ 17 كۇنى تانىمال قازاقستاندىق ساياساتتانۋشى سانجار بوقايەۆ الماتىدا بۇقارالىق اقپارات قۇرالدارىنىڭ وكىلدەرىن شاقىرىپ، جاڭا ساياسي پارتيا قۇراتىنى تۋرالى ايتتى،دەپ حابارلايدى Almaty-akshamy.kz.
سانجار بوقايەۆتىڭ سوزىنە جۇگىنسەك، بۇل قازاقستان جاستارىنىڭ باسىن بىرىكتىرەتىن سيفرلى پارتيا بولادى. پارتيا مەملەكەتتەر بار ماسەلەلەردى شەشۋگە سەپتىگىن تيگىزۋگە دايىن ەكەنىن ايتادى. الداعى ۋاقىتتا پارتيا ورتالىق سايلاۋ كوميسسياسىنا قۇجاتتارىن تاپسىرىپ، تىركەۋدەن وتەگە ءتيىس.
«مۇنداي شەشىمگە ءبىز ءبىر كۇندە كەلە سالعان جوقپىز. مۇنداي شەشىم قابىلداۋعا ەلىمىزدە ورىن العان قاڭتار وقيعاسى جانە ودان بۇرىندارى ورىن العان ساياسي پروسەسستەر اسەر ەتتى.بۇگىنگى تاڭدا ءبىزدىڭ ەلدە حالىقتىڭ مۇددەسى ءۇشىن جۇمىس ىستەيتىن پارتيا جوق، دەپ سانامىن. سول سەبەپتەن ءبىزدىڭ پارتيا حالىقتىڭ مۇددەسىن قورعاتىن بولادى»،- دەدى سانجار بوقايەۆ.
باسپا ءسوز ءماسليحاتى بارىسىندا سانجار بوقايەۆ پارتيانىڭ الدىعا قويعان ماقساتتارى جايىندا ايتتى. بۇل پارتيا الداعى ۋاقىتتا سوت جۇيەسىندەگى، ءبىلىم جانە مادەنيەت سالاسىنداعى ماسەلەلەردى كوتەرۋدى كوزدەپ وتىر.
