ولار مەملەكەتتىك ساتىپ الۋعا جاۋاپتى بولعان.
ۇلتتىق ءال-اۋقات قورىنىڭ باسقارما ءتوراعاسى الماسادام ساتقالييەۆتىڭ ايتۋىنشا، «سامۇرىق-قازىنا» جۇمىسشىلارى پوليگرافتا تەكسەرۋ ارقىلى ىرىكتەلمەك، دەپ حابارلايدى Almaty-akshamy.kz
«ءبىز ساتىپ الۋ ماسەلەسىنە جەتەكشىلىك ەتەتىن باسشىلاردى اتقاراتىن لاۋازىمدارىنان بوساتۋ بويىنشا كۇردەلى شارالار جۇرگىزدىك. 55 ادام بوساتىلدى، زاڭناماعا سايكەس، بۇل جۇمىس جالعاسىپ جاتىر»، - دەدى الماسادام ساتقالييەۆ ۇكىمەتتىڭ كەڭەيتىلگەن وتىرىسىندا.
سونداي-اق، ول قور قىزمەتكەرلەرىنىڭ اراسىنداعى جەمقورلىقتى جويۋ باعىتىندا قانداي جوسپارى بار ەكەنىن اشىپ ايتتى.
«سىبايلاس جەمقورلىق كورىنىستەرىنىڭ تاۋەكەلدەرىن تابيعي جولمەن ازايتۋعا جول اشاتىن پەرسونالدى ىرىكتەۋ جانە جالداۋ قاعيدالارىنا وزگەرىستەر ەنگىزىلدى. اتاپ ايتقاندا، بارلىق ۇمىتكەرلەردىڭ لاۋازىمعا سايكەستىگىن ايقىنداۋ، پسيحولوگيالىق پروفايلينگ، قىزمەتكەرلەردىڭ جىل سايىنعى روتاسياسى، پوليگرافتا تەكسەرۋ جۇرگىزىلەدى»، - دەدى قوردىڭ باسقارما ءتوراعاسى.